Popular Bible Verses from Aroma 6

Share

Kwa mwanjaa, liposo lya sambi kiwo, na kiya sa Nnu'ngu', ukoto wangayomoka bu'ka kwa Kilisitu Yesu Bwana witu.

Kwa nyo, sambi yaabali na makakala kwinu mwenga, kwa mwanjaa mubileli pai' ya salya, ila pai ya ngu'ngu'.

Patwaabatisilwe twaalu'mbine na kiwo sake no sikilwa pamope nakwe, li'nga kati mu'lu' Kilisitu mwayu'yilwe bu'ka kuuwi'li kwa utukupu wa Tati', nyinyonyo na twenga kai' tuwese tama mumaisa gayambi'.

Kanemupiye ili'mbi'li'mbi' ya yi'ga yinu itumike kati yombo yo panga sambi, ila mwipiye mwabene kwa Nnu'ngu' kati mwabandu mwamuyu'yilwe bu'ka mukiwo no yingya muukoto wayambi'. Muntumikiye Nnu'ngu', na ili'mbi'li'mbi' yoti ya yi'ga yinu ipange kasi kati yombo ya aki.

Kwa mwanjaa tutangite panga wu'lu' umundu witu wa kwai'mbu' waabambilwe pamope na Kilisitu, li'nga twakanetawalilwa na sambi no pangilwa twaabanda ba sambi kai'.

Nyinyonyo, mwibalangili mwawaa musambi, lakini mwabau'mi kwa Nnu'ngu' mu Kilisitu Yesu.

Tumbwelelo tubaye buli? Tuyendeli tama musambi li'nga ngu'ngu' ya Nnu'ngu' ipate yongekeya? Nyinyoli ata pasene! Twenga tupangike kati twawaa kwa abali ya sambi. Kwa nyo, tuwesali yendelya tama kai' musambi.

Kakape mutangite panga, mana mwipiyite mwabene panga mwaabanda no palikwa yu'wa, kakape mupanga mwaabanda ba yu'lu' ywamunnyu'wa. Manaitei ubanda wa sambi, kuundi'la yake kiwo, na manaitei ubanda wa kunnyu'wa Nnu'ngu', kuundi'la yake maisa ga aki.

Lakini Nnu'ngu' ywakunsukulu, kwa mwanjaa pamope no panga mwaabile mwaabanda ba sambi, lelo mwendayu'wa bu'ka nkati ya myoyo kwa mayi'gano gamupokile. Mubi'kilwe ulu bu'ka muubanda wa sambi, na nambi'yambi' mugalambuki muubanda wa aki.