Popular Bible Verses from Aroma 12

Share

Kanemwiikoteye kai' iyendo ya dunia yi'no, ila mugalambuyilwe myoyo yinu kwo pangilwa mwabayambi'. Apo nga pamwawesa tanga mwapendi Nnu'ngu' na kugakong'ondelya gagabile manogau, gagannogelelya Nnu'ngu' kai' gagatimilike.

Kwa nyo mwaalongo bangu', kwa kitumbu sa kiya sake Nnu'ngu', nendakunnu'ba mwipiye yi'ga yinu ibe salaka yaibile ngoti, mbeleteu na yainnogelelya Nnu'ngu'. Yi'no nga ibala yinu ya ngama.

Mupulaike kwa kitumbu sa mau'bi'lyo gamubile nago, mukomeye pamukwembana na siki, na muyendeli kunnu'ba Nnu'ngu'.

Kaneuyi'ki'ti sindilwa na ulau, ila uusinde ulau kwa unogau.

Mupendane mwabene na bene kati mwaalongo, kila mundu akasane kumwisimu nnyine.

Pendana kwinu kanekubee kwa unapiki, muusuki ulau. Mupange gagabile manogau bai.

Mwikase panga lyolyoti lyamuliwesa, li'nga mube na amani na bandu boti.

Mwaalongo bangu', kanemubukiye, ila munneki Nnu'ngu' likowe lyo. Kwa mwanjaa Maandiko Mapeleteu gabaya nnyinya, “Bu'kana no bukiya, nenga nilu'a bukiya.”

Kanemube mwaakata kwo panga lyengo lya Bwana, ila Loo Mpeleteu annyangatiye yendelya panga lyengo lyo kwa mwoyo woti. Muntumikiye Bwana Yesu.

Kwa kitumbu sa ngu'ngu' yanipeyilwe nimmakia kila yumo ywinu, kaneaiwase panga ywa ngama kulikoni mwapalikwa, ila apalikwa abe ntu'ya kwo li'ngana na kili'ngo sa imani sapeyilwe kila mundu na Nnu'ngu'.

Mundu mana akukosile, kaneupale kummukiya, mubini panga galu' gagabile manogau kwa kila mundu.

Mutame kwa amani mwabene na bene, kanemwipune ila mube na kiselele na bandu bababonekana bangamali kwa bandu bi'ngi'. Kanemwibalangili panga mubile na malango pi'ta bandu bi'ngi' boti.

Kai' bu'kana no kotoka bukiya, Maandiko Mapeleteu gabaya, “Mana nndumu ywako abile na njala, umpei kilyo, na mana abile na nnyota umpei kinywo. Kwo panga nyo waapanga unkalile makala ga mwoto pantwe wake.”

Mwalu'bi balaka balu' babantesa, mwalu'bi balaka kwenda lasi lili. Munapusike pamope na babanapusika na muli'le pamope na babali'la.

Mwayangatiye aumini ainu muili'be yabapu'ngu'kilwe, na mube mwabandu ba kwakemya ageni mumayumba ginu.

Kati mu'lu' mwamutangite, yi'ga yimo, lakini ibile na ili'mbi'li'mbi' yambone, na kila kili'mbi'li'mbi' kibile na kasi yake. Nyinyonyo na twenga twatubile twabaingi, tubile na yi'ga yimo mu Kilisitu, na kila yumo ywitu nga kili'mbi'li'mbi' sa nnyine.