Popular Bible Verses from Luka 3

Share

Bandu boti pabayomwi batisilwa, nembe Yesu aatibatisilwa. Na Yesu paasalyage, kunani kwatiyu'gu'ka. Na apo, ngapaulukilwa na Loo Mpeleteu ywabile na uyi'me wa ngunda. Lilobe lyayu'wanike bu'ka kunani, “Wenga nga wamwana wangu' wanikupendile, ninogelilwe nawenga.”

Apo, Yoani ngaabakia boti, “Nenga nimmatisanga kwa masi', nsu'gu' yangu' aisa mwene uweso kulikoni nenga, aywo nenga nipwaikali ata undwana ngoi ya ilatu yake. Ywembe alu'a kummatisanga kwa Loo Mpeleteu na kwa mwoto.

Mulaye kwa iyendo yinu panga mummuyangani Nnu'ngu' kwo kana buyangania sambi. Kanemwipune kwo baya, ‘Twenga twa bana ba Bulaimu.’ Nimmakianga kweli panga, Nnu'ngu' awesa kugagalambwa maliwe gamugabona gapange bana ba Bulaimu.

Bai, libago libi'kilwe paliina lya nkongo kwa nyo, kila nkongo wangali pambika itunda inannoga waalu'a pi'ngu'lwa no sonjelwa mwoto.”

Ngamo iandikilwe mukitabu sa nnondoli wa Nnu'ngu' Isaya, “Lilobe lya mundu akema kulupu'ngu'ti', mumpetuli Bwana ndi'la yake, mugolwe simbasimba yake. Mabi'ndi' goti gaalu'a kulilwa, kila kitu'mbi' na litu'mbi' yaalu'a pwimwanilwa no yanjayilwa, papapi'ndike, paalu'a gololelwa. Mali'la gangapetwa, gaalu'a petulwa. Na bandu boti baalu'a kuubona ukosopoli wauleta Nnu'ngu'.”