Popular Bible Verses from 2 Akolinto 4

Share

Kwa mwanjaa, twenga tulingulyali ili'be yaibonekana, ila tulingulya yangalibonekana. Yi'lu' yaibonekana ikondali, lakini yi'lu' yangalibonekana ikonda mpaka milele.

Kwa nyo, tuti'kwanikali mwoyo ata pasene. Pamope no panga ube witu wa panja wendaalabika, lakini ube witu wa nkati uyu'ka wayambi' kila lisu'ba. Kwa mwanjaa, siki yitu yatupata njene bai na ikondali, itubi'kya wiso utukupu nku'lu' muno na wangayomoka waubile nnogau pi'ti'li'ki'ya mateso ga.

Twendaku'su'mbu'lwa ku'no na ku'no, lakini tubanilwali, tutangiteli lyo panga, lakini tuti'kwanikali mwoyo, twendateselwa, lakini Nnu'ngu' atulekali, tutu'yi'lwe pai', lakini tulangamiswali.

Lakini twenga tubile na mabi'ko ga kiloo kati kibi'ga so kanjwanika li'nga bandu balole uweso wu' wa maayabu muno waubu'ka kwa Nnu'ngu', kwenda kwitu twabene lili.

Bandu bo bamwu'bi'lyali Yesu kwa mwanjaa Ibilisi, nkulungwa wa dunia yi'no, agawi'ki'li malango gabe. Aso nga kitumbu sabasindwa kuubona bweya wa Abali Inannoga ya utukupu wa Kilisitu, ywalaya mwabile Nnu'ngu'.

Nnu'ngu' ywaabaite, “Bweya ung'alang'ati mulubi'ndu',” nga ywang'alang'atya mumyoyo yitu, li'nga atupei bweya wa ilimu ya utukupu wa Nnu'ngu' kuminyo ya Kilisitu Yesu.