Popular Bible Verses from looma 8

Share

ito cohivi, lasi poa yupa totoe'ocʉ to hamo 'emo mav'ov'o ci hi'hioa, poa elʉ no ʉmnʉsi 'emo himngonghi to hamo ci cou - 'ai'o isieno ieni to 'tohʉngʉsi ho eyoho'a ci cou.

maica os'o asansana taa'uzva, uk'acite meelʉ tohesi no himngonghi to hamo. 'upena na mcoi, yaansoua; na tensi. nala atʉkcʉ ta moipiepiya; maitan'e, hocieno ho noana'o; ne pepe, ne moumsʉ'eonʉ; ta 'aymona ta ohola afu'a teyai ci mouhpʉhpʉngʉ, uk'a ci conci hi'hioa te meelʉ tohesi no ohsi ieni to nooe'oca kilisto iesu ho faeni a'to to hamo ci himngonghi.

totiski, 'e yoz'uto panto seilei cimo to'usnu. o'aohtola cohivi te mainenu nate hia 'inoli; at'inghi i'o seilei mo boemi to o'aisi peelʉi yomza no e'e ci e'ʉyʉ ho mi'usnu to hamo ho eoho'neni a'to.

homoeno maica, nteto peelʉi av'a? hoci bi'usnu a'to 'o hamo, siya nate meelʉ mihango a'to?

maitan'ecu, i'omo yaansou to 'ayumona to kilisto iesu ci cou o'ate topci no kuisi.

nala ma'unu ta feango te mcoi; nala ma'usnu no seilei te yaa nsou ho soanono.

acʉhʉ o'asa'a. yonta acʉcʉhʉ ci hi'hioa tan'e, mimza noe'ocʉ tomo himngonghi a'mi ci nooe'oca mimzacu a'sʉftonʉ atpʉtʉ!

os'o yainca no koyu'u, 'e ito esmiza ci 'atutumzo maitan'e. hoci patotiska 'e isi hupopayoi ci tenala faeni a'to ci psoevohngʉ ho noana'o. mate ahta tamza no cuma.

homicueno maica, siya nate meelʉ tohesi a'to to himngonghi to kilisto? zou ngoveo? zou 'atutumio? zou akuzkuzoa? zou sieo? zou thi'cia? zou sokoeva? zou tiopoyavneni?

i'ola smo'eusoyʉ ta 'tohʉngʉ ta cou ci hamo isi cohivi na 'tohʉngʉ to seilei, maica 'o seilei la fiho no 'tohʉngʉ to hamo, 'inolineni 'e 'o'okosi.

nala afu'u noa eahafa no piepiya to hamo ci cou zou acʉhʉ 'o'oko to hamo.

mo'so maica, nala meo'uzo no yu'ausna ta cou la ma'usnu nola hioa ta feango; nala meo'uzo no seilei ci cou la ma'unu no lasi hioa to seilei.

isi ac'ʉha to okosi ho o'te ngohia, faeni ta mito botngonʉ. homoeno maica, o'atesis'aeno yaeza acʉha taha'veni a'to 'e aʉcʉcʉhʉ?

na piepiya to hamo ho ina piepiyato te iepoepohʉ soomei ho zou 'o'oko to hamo na a'to. ho zoueno 'o'oko to hamo, tetocu tma'upu no ohsila ayocneni to 'o'oko to hamo ci ʉm'ʉmnʉ, maezo tma'upu no ohsi songacveni to kilisto; maica, hocito mako e'paevai no 'atutumzo to kilisto, tetocu maezo tma'upu no psoevohngʉsi.

ko'koeno, nala ma'usnu ta feango ci cou la nahanga 'o hamo; maica ho o'ala meo'uzo no p'ofiha to hamo, a'ʉmtʉsi o'ate meelʉ meo'uzo.

acʉcʉhʉ 'e ohola teyai mo acʉhʉ tongsoyʉ no mingeou to psoevohngʉ to hamo hoci i'mi ta mao'o'okosi ho epa'teni.

ito cohivi, ac'ʉhʉ maitan'e, 'e ohola afu'a teyai mo acʉhʉ teoecengi, mais'a mo esmi no 'atutumzo hote yayo 'o foinana.