Popular Bible Verses from looma 5

Share

at'inghi 'o hamo isi pa'teni a'to na uk'a toc'ʉhʉ ci himngonghi: ne mohton'a yaa kuisia, isicu mcoineni to kilisto a'to!

'e ta'usni eni o'ate ahtu 'afeungu; maica 'o hamo isi ieni to isi pafeni a'to ci seilei, isicu cohmeni ta 'tohʉngʉto na himngonghisi.

o'amo anouc'o maica, hola yono 'atutumzo, leato a'cʉ'cʉnʉ kokaekaebʉ; maica ho ito cohivi 'e 'atutumzo tesi p'eyac'a na luaveica. 'e luaveica la noa ʉm'ʉmnʉa to hamo, na ʉm'ʉmnʉa to hamo tesi hafneni no ta'usni.

ho mitoeno i'mi no tmaa'uzo ho yainca coumoʉlʉlʉ, cu ieni to nooe'ocato ci iesu kilisto hocu yaa nanghia ci natʉ'ca 'o hamo. ieni no tmaa'uzo, isicu poa yaansou no 'ayumona no mengumi to hamo na a'to, i'mi tan'e mito kokaekaebʉ ho yaa ta'usni no tma'upu no psoevohngʉ to hamo!

ne mohton'a noenoe'in'i, 'o kilisto cu fiho to ohsi esvʉta to hamo ci hie ho mcoineni 'emo yaa kuisi ci cou.

i'mi to mcoisi, maitan'e mitocu meelʉ yaa yupa toseolʉ ci natʉ'ca 'o hamo; i'o mcoisi isi afnasa poa mongoi no sʉ'no to hamo na a'to.

aʉlʉ mais'a 'emo cihi ci cou homo pef'uhu no mashʉyʉ, cu acʉhʉ yaa kuisi 'e yatatiskova; totiski. 'emo cihi ci cou mo meot'ʉt'ʉcʉ, cu acʉhʉ coumoulʉlʉ 'e yatatiskova.

o'amo anouc'o maica, ho mitocu meelʉ naoveia 'o hamo, o'a tetos'aeno yaeza ieni to nooe'ocato ci iesu kilisto ho kokaekaebʉ to hamo?