Popular Bible Verses from looma 10

Share

hociko esansana ta ngayosu 'o iesu ho zou nooe'oca, taa'uzva ta 'tohʉngʉ 'o hamo ho isi i'mi to mcoi 'o iesu ho poa smoevovei, mikocu elʉ no to'usnu.

hoci maica nate hia tmaa'uzo ta 'tohʉngʉ, tec'u coumoʉlʉlʉ, maica nate hia esansano ta ngayo, tec'u to'usni.

peelʉi aiti tan'e na tmaa'uzo mo i'mi no tmalʉ, na tmalʉ mo i'mi no e'e to kilisto.

yainca to seiso: <inate tmaa'uzo to iesu ci cou o'ate ma'papayo'ʉ.> 'e e'e eni mo mi'usnu ta acʉcʉhʉ ci cou, maica o'a isi ah'una na couyutaya ho couyafana; 'o hamo zou nooe'oca ta yatatiskova, tesi at'otngasa ho fii no ʉm'ʉmnʉ namo afu'u eyoho'ʉ ci cou. aʉlʉ mais'a 'o isi yainca to seiso: <namo afu'u eyoho'ʉ to ongko to nooe'oca ci cou 'ate ahtao'te to'usni.>

hoci o'te popeosmuhnu, teeno meelʉ psoyaski? aʉlʉ mais'a to isi yainca to seiso: <i'omo psoyaski to fukuin ci cou. a'ʉmtʉs'a yonghu 'o cocaphʉhe!>

at'inghi, ho o'aihe taa'uzva, te mainenu hoci eyoho'ʉ to hamo? ho o'amo tmalʉ, te mainenu hoci tmaa'uzo? ho o'aisi psoyaska, te mainenu nate hia tmalʉ?

a'ʉmtʉsi, isicu aepʉnga to kilisto 'o hoolicu, poacu coumoʉlʉlʉ 'omo afu'u tmaa'uzo ci cou.