Popular Bible Verses from kolinto 2 5

Share

'upena na siya, hocic'u afu'u yayo na nsou to kilisto; zoucu faeva ci cou. micu sucaefi 'omo noana'o. micu esmi 'emo faeva.

uk'a ci kuisi to kilisto, at'inghi isi nomzi a'to, 'o hamo isi poa ngoeveni to kilisto 'e kuisito, poacu meelʉ i'mi to kilisto na a'to ho yaa naseolʉ ci natʉ'ca to hamo.

maica ho mimza yaansoua. mimza noe'ocʉ no singkoo, o'aisi tamza ta isi teolʉi.

'e acʉcʉhʉ eni zouc'o acʉhʉ hi'hioa to hamo; isi ieni to kilisto ho poa naoveia na a'to ho i'o hamo, yaeza faeni a'mi 'e psoyaski no fukuin no naoveia. i'o imza psoyaska ci e'e 'aeno: 'o hamo isi ieni to kilisto ho p'eyac'a na yupa naoveia ci natʉ'ca ta yatatiskova. o'aisi peteohʉhʉya na kuisihe. a'vinano isi toveineni a'mi 'e e'e no yupa naovei.

ko'koeno, mimza afnaso ci soskuskunu to kilisto. isi iachia ieni a'mi to hamo ho poucufna muu: temza mi'usnu muu ho p'enzeni 'o kilisto, poa naovei muu 'o hamo.

ho isi mcoineni 'emo botngonʉ, tesi akoeva no poa o'tec'o nomio no iachi 'e mon'a yaansou ci cou ho yaansoua, mate nomio to moso nomio a'to ho mcoi ho smoevovei ci kilisto ho yaansoua. ko'koeno, 'anatemza i'vaho i'tohungu tala hia bʉhsʉftʉ ta cou ho hʉsvʉta 'e cou. momzala e'vono i'tohungu tala hia bʉhsʉftʉ ta cou ho aiti 'o kilisto, o'ana lamza i'vaho maica maitan'e.

isi poucufna to himngonghi to kilisto a'mi, maica ho imza ta'sansana, 'emo cihi ho isi mcoineni 'emo botngonʉ, te peelʉi yainca cu acʉhʉ mcoi 'emo botngonʉ.