Popular Bible Verses from kolinto 1 6

Share

o'a imueno cohivi 'e feangomu zou emoo to seilei? 'e seilei eni mo yonta 'ayumonamu, isi pafeni to hamo. o'amimu tma'usnu ta iachi, mamo tma'usnu to hamo, maica ho isi psuepzi phini na muu. ko'koeno, temula boemi ta feangomu ho psoevohngʉ to hamo.

o'aimueno cohivi ho o'ate meelʉ tma'oko to hpʉhpʉngʉ to hamo 'o mo kokuzo ci cou? teav'a peknui 'e iachi! i'ola afu'u smoc'ou, m'ohkuyu to uacoua, mseezo, noasisi, yu'tupeu ci haahocngʉ, meo'eoi, ma'konvosʉ, momoyomo, eayaezoyʉ to cou, ho moezʉezʉhʉ to cou, acʉhʉ o'ate meelʉ tma'oko to hpʉhpʉngʉ to hamo.

ko'koeno, temula totoefʉngʉ no smoc'ou. 'e cou 'upena hoci peismi nomo mainenu ci kuisi o'ate koakuzo ta iachi feango, i'elac'o peismi no smoc'ou ci cou la akuzkuzoa 'e iachi feango

nenusi no panote mainca: <acʉcʉhʉ 'e hi'hioa te'o acʉha peelʉi hioa.> mioeno o'te emzo, at'inghi 'emo macoconci hi'hioa o'ate acʉhʉ koa ʉmnʉ suu. te'o peelʉi yainca: <acʉcʉhʉ 'e hi'hioa te'o acʉha peelʉi hioa>, at'inghi o'ate'o poa toleineni tamo conci hi'hioa.

isi poa i'mi to mcoi ho poa smoevovei to hamo 'o nooe'oca, totiski tesi yaeza ieni no meoinosi tonʉ ho poa smoevovei a'to.