Popular Bible Verses from kolinto 1 10

Share

i'elamu esmiza ci macoconci hʉsvʉta malean'a acʉha pasvo'ha ta cou. zou mou'ʉmtʉ 'o hamo; o'atesi ahta poa yupteilʉ no o'atemu pasvo'ha ta tonʉmu ci hʉsvʉta. hola esmi na hʉsvʉta, tesi fii no temu tonʉ, poa pasvo'heni muu. paavneni no temu mia yuyafo ci ceonʉ.

homo maica. 'upena hoci cuma na imu hioa, bonʉ hocieno mimo, te acʉha poa nomio no psoevohngʉ to hamo ho hioa.

ko'koeno, siya namo ma'unano mo iachi bʉʉlʉlʉ, siya nate afnaso bumemealʉ. ci tes'a smopcuku.

pantola mainca: <mimza yaa ziu no hioa 'emo mav'ov'o ci hi'hioa.> mioeno o'te emzo 'e e'e eni. at'inghi, 'emo macoconi ci hi'hioa o'a mo acʉhʉ koa ʉmnʉ. <mimza yaa ziu no hioa 'emo mav'ov'o ci hi'hioa.> at'inghi, 'emo macoconi ci hi'hioa o'ate acʉhʉ meelʉ to'usnu no cou.

'emo macicihi ci cou o'a inac'o iachi ʉm'ʉmnʉ nate ta'to'tohʉngva, te yaeza ta'to'tohʉngva nate koa ʉmnʉ no mocmo ci cou.