Jalla niz̈ta anawali kuzziz cjen Yoozqui ninaca jaytichic̈ha, ninacaz̈ anazum kuzcama azzucanaca paajo. Jalla nuz̈ azzucanaca paacan maatakanacaqui porapat z̈elassic̈ha, jaknuz̈t lucutiñi z̈elas, jalla niz̈ta. Luctakanacaqui niz̈aza porapat ana wali z̈elassic̈ha, jaknuz̈t lucutiñi z̈elas, jalla niz̈ta. Ninacpora ancha peccu, azzuca ujnaca paachic̈ha. Ancha akñi ujnacquiz tjojtsic̈ha. Jalla niz̈tiquiztan ninacz̈ persun curpuquizpacha casticu sufric̈ha, nii ana wali paatiquiztan. Niz̈aza niz̈ta sufris waquizic̈ha ninacaqui.
Werar Yooz zizzucatac̈ha, pero ninacaqui Yooz ana pajz pecatc̈ha. Jalla niz̈tiquiztan Yoozqui ninaca jaytichic̈ha, ninaca ana zuma pinsiñi kuzziz cjisjapa, niz̈aza ana zuma cjujchi kamañchiz cjisjapa.