Popular Bible Verses from Hechos 5

Share

Jalla nekztanaqui Pedruz̈tan parti apostolonacz̈tan kjaazic̈ha, tuz̈ cjican: —Primiraqui wejrnacqui Yooz castanc̈ha. Niiz̈ jarukaz z̈oñimi cazasac̈ha.

Nekztanaqui zapuru Jesucristuz̈ puntuquiztan tira tjaajnatc̈ha, niz̈aza tiraz̈ paljayatc̈ha timpluquinami kjuyquinami, “Jesusaqui Yooz cuchanz̈quita Cristuc̈ha” cjiñitac̈ha.

Jalla nekztanaqui Pedruqui cjichic̈ha: —Ananías, ¿kjaz̈tiquiztan am kuzquiz Satanás luzzita? ¿Espíritu Santuz̈quiz tiz̈ta k'otsjapaqui? Nii yok tuyta paazqui t'ecsamc̈ha. Ima tuycan nii yokaqui amtapantakaya, ¿ana jaa? Tuyz̈cu, nii yoka tuyta paazqui amtazakaztaz̈, ¿ana jaa? ¿Kjaz̈tiquiztan tiz̈ta ana wali pinsichamtajo? Amqui Yoozquiz k'otchamc̈ha; ana z̈oñz̈quiz k'otchamc̈ha. Pedruz̈ nuz̈ chiitiquiztan, Ananiasqui ticzi tjojtsic̈ha. Jalla niz̈tiquiztan nii quintu nonchi z̈oñinacaqui ancha eksñi cjissic̈ha.

Jalla niz̈tiquiztan niz̈ta wattanaca cjuñz̈cu, tii z̈oñinacz̈ quintra anac̈ha c̈hjulumi paa. Ana tinacz̈quiz mitis waquizic̈ha. Tii z̈oñinacaqui persun kuzcamakat paac̈haja, nuz̈ cjenaqui anaz̈ tjurasac̈ha. Orallaz̈ kataquic̈ha. Yooz kuzcamat tii z̈oñinacaqui paac̈haja, jalla nekziqui tinacaqui anaz̈ tjatanchuca cjesac̈ha. Tinacaqui Yooz parti z̈oñinacaz̈laja, jalla nii quintra paasaz̈ niiqui, Yooz quintraz̈ cjesac̈ha. Jalla niz̈tiquiztan tii z̈oñinacz̈ quintra anaj paala. —Jalla nuz̈ cjican nii z̈oñinacz̈quin chiiz̈inchic̈ha Gamaliel cjita z̈oñiqui.