Popular Bible Verses from Barumi 11

Share

Íbiri ho byoshi, Rurema ye kabibumba, binakiri ho ku bushobozi bwage, binali ho hiꞌgulu lyage. Kwokwo, abe ye gakizi huuzibwa imyaka neꞌmyakuula! Bikizi ba kwokwo!

Ubugale bwa Rurema, noꞌbwitegeereze bwage, noꞌbumenyi bwage, biryagagi bya kahebuuza! Ikyanya ali mu twa imaaja, ndaaye úwangasobanukirwa na ngiisi kwo agweti agaazitwa. Neꞌnjira zo ali mu lenga mwo, ndaaye úwangazimenya!

«Nyandi keera úkamenya inzaliro za Nahano? Kandi iri, nyandi keera úkamúhanuula?

Kwokwo, kwo biri, kiri na zeene. Mukuba, haki sigiiragi ikikembere kyaꞌbandu, kyo Rurema akagwanwa atoola ku lukogo lwage. Na yukwo kubatoola, kutali hiꞌgulu lyeꞌmikolezi yabo. Mukuba, ákibe ali mu batoola hiꞌgulu lyayo, iri ulukogo lwage lutangaki biiri lukogo nirizina!

Abahisiraheeri bali ngeꞌkiti kyoꞌmuzehituuni íkiri mu ndalo, keera kyanakoonyolwa kwaꞌmatavi. Na mwehe, muli ngiꞌtavi lyoꞌmuzehituuni gwa mu kishuka, mwanayiji nanikwa ku kiti kya mu ndalo, ha kati kaꞌgandi matavi gaakyo. Na buno, mukola mu longa imisi ku malembo gaakyo. Ku yukwo, utakizi yihaya, mbu we himiri amatavi ágakakoonyolwa! Neꞌri wangagira mbu uyihaye, ukengeere kwo yiryo isina litakumeziri kwo. Si wehe, we limeziri kwo!