Popular Bible Verses from Hisaaya 11

Share

Uyo mwami, umutima gwa Nahano gugakizi beera mu kati kaage, halinde anabe noꞌbwitegeereze, noꞌbwenge, anashobole ukuhanuulana, anabe mwoꞌbushobozi. Agaamenya Nahano, anakizi músimbaha. Uyo mwami, agasiima ukukizi simbaha Nahano. Ataganakizi twa ulubaaja ku byo ali mu bona naaho, kandi iri ku byo ali mu yuvwa.

Mu naludakwe weꞌkiti, mwo muli mu lyoka ishibwe. Kwo na kwokwo, na mwiꞌkondo lya Yese, mwo mugalyoka umwami muhyahya.

Haliko yehe, ikyanya agakizi twa ulubaaja lwaꞌbakeni, noꞌlwa ábatindimaziibwi, kugakizi ba ku njira íkwaniini. Ikyanya agakyula, abandu babi bagaahanwa, na banangora-mabi banaminikwe.

Ikyanya agakulikira ukuli, noꞌkugira íbikwaniini, lyo agalonga imisi, nga úkenyiiri umukaba.

Mu mugazi gwani mweru, batagaki komeresania, kandi iri kushereezania. Nga kweꞌnyaaja iyijwiri mwaꞌmiiji, kwo na kwokwo, neꞌkihugo kyoshi kigayijula mwaꞌbandu ábakoli yiji Nahano.

Imirunga ikolaga igakizi tuula kuguma neꞌbibuzi. Kiri neꞌngwi, inakizi bwatala, inaluhuukire kuguma neꞌbyanahene. Ingaavu neꞌndare, bigashangiira. Noꞌmwana waꞌkalenge agakizi birongoora.

Ku yikyo kyanya, umwami muhyahya wa mu mbaga ya Yese agayimuka, ali ngiꞌrembera mu bandu baꞌmahanga. Yabo booshi, bagamúkumanira. Na ngiisi ho agaaba atuuziri, hagalangashana bweneene.