Popular Bible Verses from Ndondeko 27

Share

Aaho! Rurema akizi kumanulira ikimi kya mwiꞌgulu, anakuheereze idaho íriri mweꞌnagiira. Ukizi yeza ingano neꞌdivaayi ku bwingi. Abandu beꞌgindi milala, bakizi kukolera. Neꞌbibusi byoshi, bikizi kufukamira ku lushaagwa. Ube mutwali wa beene winyu, naꞌbalumuna baawe, bakizi kufukamira. Ngiisi úgakudaaka, naye akizi daakwa. Na ngiisi úgakugashaanira, naye akizi gashaanirwa.»

Hesahu, ti: «Yayewe! Kyo kikatuma agayinikwa iziina Yakobo. Keera akayabiira ubukulu bwani ubugira kabiri, ku njira yoꞌkubeesha. Ubwa mbere, akayabiira ubungulwe bwani. Na buno kandi, keera ayabiira neꞌmigashani yani.» Ha nyuma, anabuuza yishe: «E daata, ka ndaagwo mugashani gwo wanzigira?»

Hisake anamúbwira: «Akaaya kaawe, kagaaba hala niꞌdaho íriri neꞌnagiira, kanabe hala neꞌkimi kya mwiꞌgulu. Na kundu ugakizi ramba ku ngooti, haliko ugakizi kolera mulumuna wawe. Kundu kwokwo, ikyanya ugamúyihindulira, lyoki ugaaba wayishwekuula mu butwali bwage.»

Hesahu naye, ti: «E daata, ka utangambeereza kiri noꞌmugashani muguma naaho? Maashi, naani, ungashaanire!» Haaho, Hesahu anashubi tulikira mu malira.