Tata Diosrí kunan mana jayk'aj rikusqanchejta ruwanqa. Jallp'a kicharikuspa, kay runakunata tukuy imankutawan khuska oqoykonqa, kawsashajtaj jallp'aj sonqonman chinkaykonqanku. Chay jinamanta yachankichej kay runakuna Tata Diosta pisipaj qhawasqankuta, nispa.
Chantá Moisés parlayta tukusqantawan, chay runakunaj chakinku urapi ujllata jallp'a kicharikorqa. Ajinata jallp'a kicharikuspa, Corewan sayashajkunata, tukuy aylluntinta, imankuchus karqa, chaytawan khuska, tukuyninkuta oqoykorqa.