Popular Bible Verses from Levítico 26

Share

Noqa qankunaj chawpiykichejpi purisaj. Diosniykichej kasaj, qankunataj aylluy kankichej.

noqa jallp'aykichejman maychus tiemponpi parachimusaj. Jallp'aqa sumajta poqonqa, sach'akunapis poqollanqataj.

Sichus kamachisqayman jina purinkichej, kamachisqayta kasuspataj chayman jina ruwankichej chayqa

Llajtaykichejpi sumajta kawsachisqaykichej, ni imata manchachikuspataj, misk'ita puñukunkichej. Noqa suyuykichejta phiña k'ita animalkunamanta jark'asaj, nillataj maqanakupis jallp'aykichejpi kanqachu.

Noqa qankunata qhawarisqaykichej, may jinatataj mirachisqaykichej. Qankunawan trato ruwasqaytapis junt'asajpuni.

Noqa Tata Diosmin Diosniykichej kani, pichus Egiptomanta orqhomorqaykichej, manaña paykunaj wata runanku kanaykichejpaj, chay. Noqa watasusqanku yugota p'akispa, umaykichejta oqharichispa, qankunata puricherqaykichej.

Noqaqa qankunaj chawpiykichejpi tiyakusaj, manataj qhesachasqaykichejchu.

Tata Dios israelitakunata nillarqataj: Ama ni imaman rijch'akoj lantikunata ruwakunkichejchu. Nillataj llajtaykichejpi yupaychana rumita sayachinkichejchu. Amallataj rumipi warawata ruwankichejchu. Ama chaykunaman qonqorikunkichejchu, imaraykuchus noqamin Tata Diosniykichej kani.

Qayna watamanta puchoj trigota mikhunkichej, mosoj trigota pirwanaykichejpajtaj puchoj trigota jawaman orqhonkichej.

Qankunamanta phishqalla pachaj runakunata ayqechinkichej, jinallataj pachajlla chunka waranqata ayqechinkichej. Awqaykichejqa qankunaj ñawpaqeykichejpi espadawan wañuchisqa kanqanku.

Trigo oqharisqaykichejqa uva pallanakama kanqa, uvata pallanaykichejtaj tarpuy tiempokama kanqa. Sajsakunaykichejkama t'antata mikhunkichej, ni imamanta llakikuspataj, llajtaykichejpi tiyarikunkichej.

Qankunaqa awqaykichejta ayqechinkichej, espadawantaj wañuchinkichej.

Samarina p'unchayniypi samarinkichejpuni. Noqata yupaychana cheqatapis jatun respetowan qhawankichej. Noqamin Tata Dios kani.