Popular Bible Verses from Suro-Suro 16

Share

Nesana i Paulus bo i Silas, “Parasayamo i Pue Yesus Kristus, bo komiu sambanua rapakasalama.”

Nitasere natanga bongina, i Paulus bo i Silas nosambaya bo nodade nantoiya Alatala. Tona ntanina nitarunggu ri sia nompetalingai ira nodade. Sampesani naria lingu narimboso mpuu sampe pandasi banua ntarunggu nogoya muni. Pura-pura vamba natebuka bo rante pobalanggu tona nitarunggu navole sanggani.

Naupu sia, nikenina ira hau ri savalikuna bo nanguli, “Tua, nuapa kupovia ala yaku rapakasalama?”

Natekaja bo nembangumo topojaga tarunggu haitu. Nikitana pura-pura vamba nateunggemo, nibituna gumana mompatesi karona mboto, apa nisarumakana tona nitarunggu nalai puramo. Tapi i Paulus nongare ante suara namangga, “Nee mupatesi karomu! Da naria pura kami ri sii!”