Popular Bible Verses from Rôma 8

Share

Bol he git lah tòm jơh ală bơta, Yàng Tom Trồ lơh tồ gơs kwơ cau lơi in kòñ gơboh di Kơnràñ, hơ̆ la cau neh geh hòi sac jat bơta lơh nền Kơnràñ dê.

Bơh añ dòn nền ngan lah bulah bơta chơt, hala bơta kis, ală cau gơnrơh, ală gơnoar at bồ, ală bơta tŭ do hala ală bơta rơp tus, hala ală gơnap gơnoar, đah jơnhoa hala đah jrô, hala dô nơm phan lơi ndai neh geh crơng gơs, ò rgơi cah is bol he bơh bơta kòñ gơboh Yàng Tom Trồ dê ơm tòm Yàng Krist Jesu la Yàng bol he dê.

Kung behơ̆ sơl, Yàng Hwềng dong kòl tòm bơta lơbơn lơño bol he dê; bơh bol he ò git mbe kòñ hòi dan nàng di pal, mơya să tòm Yàng Hwềng ai bơta rac ròc he ò rgơi yal loh nàng hòi dan ala bol he in.

Gen mbe bol he kòñ đơs bơh ală bơta hơ̆ taih? Dilah Yàng Tom Trồ ơm đah mơ bol he, gen gơs ñcau sò tơm dê bol he taih?

Gen tàng tŭ do ò gơs bơta lơh nền glài di ală cau ơm tòm Yàng Krist Jesu

Bơta kơlôi wèt đah poac să la bơta chơt, ai bơta kơlôi wèt đah Yàng Hwềng la bơta kis mơ bơta lơngap lơngai

Gơpơrlơ̆ wơl, tòm jơh ală bơta hơ̆, bol he kơnòm di Bơtau kòñ gơboh di bol he nàng geh bơta pha lin rlau.

Añ kòp lah ală bơta jê sồt tòm tŭ do ò di pal pơndròm mơ bơta gơklŏ rơp geh ràng tơlik bol he in.

Ñcau rơp cah is bol he bơh bơta kòñ gơboh Bơtau Krist dê taih? Hơ̆ la bơta rung rài, pơnjê pơngkồr, kup kơryan, jơgloh rung, ơm kuh lòi rồ, sơbơng rơng, hala crut đào sơl ơ?

Mơ Yàng Tom Trồ la Bơtau sơwì nền nùs bol he dê, git wă nùs kơlôi Yàng Hwềng dê, jat nùs kòñ Yàng Tom Trồ mơ hòi dan ala ală cau sàng goh in.

Bơh jơh ală cau lơi gơs Hwềng Yàng Tom Trồ dê tề lam hơ̆ la kòn Yàng Tom Trồ dê.

Bơh cau kis jat poac să, gen kơlôi wèt ală bơta đah poac să, ai cau kis jat Yàng Hwềng gen kơlôi wèt ală bơta đah Yàng Hwềng.

Kơnràñ neh ò pơlai Kòn tòm Kơnràñ dê, mơya tài bơh jơh ală bol he tàng neh jào phi Kòn hơ̆, gen Kơnràñ ò di kung rơp cèng jơh ală bơta bal mơ kòn hơ̆ mơ ai tơn bol he in ò ơ?

Să tòm Yàng Hwềng mơ hwềng nùs bol he dê lơh cơng lah bol he la kòn sau Yàng Tom Trồ dê. Dilah bol he la kòn sau, gen kung la cau pơrdòn: Cau pơrdòn Yàng Tom Trồ dê mơ la cau pơrdòn bal mơ Bơtau Krist sơl, mìng la bol he kong jê sồt bal mơ Kơnràñ, tồ kung geh bơta gơklŏ bal mơ Kơnràñ sơl.

bơh bơta kơlôi wèt poac să dê gơtòmsò mơ Yàng Tom Trồ bơh gơ ò bài dòn duh bơta boh lam Yàng Tom Trồ dê, mơ kung ò rgơi dòn duh sơl.

Bơh ală phan tòm trồ tiah jơh nùs kơp kòñ mơ gơn kơp bơta ràng tơlik ală kòn sau Yàng Tom Trồ dê.

Bơh bol he git lah ală phan tòm trồ tiah neh rac ròc mơ kong bòl glar jê sồt be bơta jê deh jơl tus di tŭ do