Popular Bible Verses from Rôma 14

Share

Bơh lơgar Yàng Tom Trồ dê ò di bơh bơta ñô sa, mơya bơh bơta song ring, lơngap lơngai, mơ hòn chò tòm Yàng Hwềng Goh. Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

bơh dilah bol he kis la kis Yàng in, mơ dilah bol he chơt la chơt Yàng in. Behơ̆ tàng bol he kis hala chơt gen he gơrê mơ Yàng lơm.

Behơ̆, bol he jòi jat tĕ bơta lơh cau in gơtòmsòr mơ bơt bơtào bal mơ gơp.

Behơ̆, bañ cahrña ndring gơp he tai, mơya chan lơh nền bañ gơs cau lơi lơh gơtup pừ hala kai gơtup tìs oh mi he in.

Bơh neh cih lah: “Yàng đơs lah: Ngan, Añ la Yàng Tom Trồ kis sùm, kòp nơm gơltang rơp cùn di đap Añ, Mơ kòp nơm lơmpiat rơp yal tơlik Añ la Yàng Tom Trồ.” Behơ̆ kòp nă tòm bol he rơp yal tơlik broă he dê Yàng Tom Trồ in.

Dòp rò tĕ cau lơbơn tòm bơta dòn, mơya bañ pơndang bal bơh nùs kơlôi is cau dê.

Mê la ñcau mơ khin cahrña di dĭ gơna cau ndai dê taih? Khai ntào hala gơplơ̆, hơ̆ la broă cau tòm khai dê. Ngan khai rơp ntào, bơh Yàng gơs gơnoar ai khai in ntào kơ̆.