Popular Bible Verses from Rôma 12

Share

Bañ đòm jat rài do, mơya lòi tĕ Yàng Tom Trồ pơrgơl pa nùs kơlôi oh mi dê, gen oh mi rgơi git nùs kòñ Yàng Tom Trồ dê, niam nùs mơ wil tơl Yàng Tom Trồ dê la mbe lơi.

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Hòn chò tĕ tòm bơta gơn kơnòm, ơt ơl tĕ tòm bơta rung rài, kơ̆ nùs tĕ tòm bơta hòi dan.

Bañ lòi bơta iơh bơsak pha rlau mơ he, mơya ai tĕ bơta niam nàng pha rlau mơ bơta iơh bơsak.

Kòñ gơboh tĕ duh hul bal mơ gơp be oh mi tòm Yàng, jơh nùs sền tĕ màng ryŭ bal mơ gơp.

Nùs kòñ gơboh pal song ngan. Cù kìr tĕ di bơta iơh bơsak, mơ đềt mềr tĕ di bơta lơbơn niam.

Dilah rgơi lơh, gen jơh tĕ pràn he nàng geh tòmsòr mơ jơh tơl nă cau.

Ơ oh mi kòñ gơboh, să tòm he bañ sal tê dê cau lơi, mơya lòi tĕ bơta hơ̆ bơta gơjrañ dờng Yàng Tom Trồ in; bơh neh cih lah: “Yàng đơs lah: Bơta sal tê gơrê mơ Añ, Añ rơp sal wơl.”

Tơryang tơryồng tĕ, bañ lơh alah: Tòm nùs ngac ngar tĕ, duh tĕ broă Yàng.

Behơ̆, kơnòm di bơta nđàc neh ai añ in, añ đơs mơ kòp nă cau tòm oh mi, bañ sền să he jòng rlau ir, mơya pal sền tĕ să he tòm toh be rnoas bơta dòn mơ Yàng Tom Trồ neh pà kòp nă cau in.

Bañ ai bơta iơh bơsak nàng sal cau lơh iơh bơsak in, lơh tĕ bơta niam di đap jơh tơl nă cau.

Kis gơtòmsòr bal mơ gơp; bañ kơlôi hơ đah bơta dờng lin, mơya pơndêt tĕ să. Bañ jòng să he la jak chài.

Bơh kung gơs cih lah: “Dilah cau sò tơm he gơs jơgloh, gen ai tĕ khai in sào; dilah khai tơhìr dà, gen ai tĕ khai in hùc; bơh lơh behơ̆ la ò gơkrơi be he ai rơnga ồs hơng tơrjik hơđang bồ khai.”

Ai tĕ bơta lơngai cau in kup kơryan di oh mi; ai tĕ bơta lơngai, bañ srat rma. Chò tĕ bal mơ cau chò, ñìm tĕ bal mơ cau ñìm.

Tòmpà tĕ bơta pal ngui sa ală cau sàng goh in; pal kòñ tĕ wă rò nac.

Kung be tòm dô nơm să jan bol he gơs oă pơnah, mơ ală pơnah ò di lơh broă ndròm bal, gen kung behơ̆ sơl, bulah bol he gơs oă cau mơya bol he la dô nơm să jan tòm Bơtau Krist, mơ bol he la ală pơnah bal.