Popular Bible Verses from Lik Ejiptơ 31

Share

“Do, Añ neh sac rwah Besalel, kòn klau Uri, sau Hur dê, tòm jơi bơtiàn Juda, mơ Añ neh ai khai in bềng lìu Hwềng Yàng Tom Trồ dê, bal mơ bơta chài rgơi, mơ git jak tòm ală broă lơh mơ tê, nàng lơh gơs ală phan mơ màh, mơ priă, mơ kòng, nàng koh mơ tep lŭ màng, nàng lơh chi mơ lơh jơh ală broă cau chài lơh mơ tê.

“Đơs tĕ mơ làng bol Israel: ‘Bol mê pal prap gàr ală ngai Saƀat Añ jê. Bơta hơ̆ rơp la dô nơm tềl digùl Añ mơ bol mê jơl tus di ală rài tơnơ̆, nàng bol mê rơp git lah Añ la Yàng Jehôwa, la Bơtau lơh bol mê in gơlik gơs sàng goh.

Hơ̆ rơp la dô nơm tềl gam sùm digùl Añ mơ làng bol Israel in, bơh Yàng Jehôwa neh crơng gơs ală tap trồ mơ tiah tòm prau ngai, mơ tòm ngai poh Kơnràñ ò lơh broă mơ ơm rlô.’”