Popular Bible Verses from Romans 4

Share

Ne rawetakwéntsera iáh tehotewentéton, iáh tehoteʼnhowénton ne Rawenni꞉io rahorahrhátsera; ne rahwetakwátsera ne wakanhá꞉ne ne kasatsténsera, ó꞉ni wathonʼnonweráton ne Rawenni꞉io. Kwáh oriwí꞉io rahonʼníhne ne Rawenni꞉io tsi thóh nenháiere tsi nihorahrátston.

Tsi niwáton ne kahiatonseratokénti, “Í꞉se ne kanísera koniónʼni kwáh tsi niaʼteiakahontsiákes.” Kwáh káti ioiánere tsi niwarharáston rahohénton ne Rawenni꞉io, tsi thóhnon nitawethákwenʼne ne Abraham, raónha ne Rawenni꞉io tethesakóhas ne iakawenhéion nahonsahiontónʼnhete ó꞉ni tsi nikáien rotenʼnáhon nahontakáha tsi nahóten ne iáh tekaiéntakwe.

Ónhkwa riwaneraháktsera iorihonʼni꞉on iehonwatiakwarísion nahrénheie, tánon ó꞉ni shonʼionnhéton ne thoʼnahontáwe aonsaionkwaianeráke rahohénton ne Rawenni꞉io.

Abraham tarétakwe ó꞉ni wahaskáneke, iawerohátsien tsi iáh kanekahtewaterihónʼniskwe ne karahrhátsera, ehʼkáti nontáwe tsi wakaiéntaʼne; kanísera neh iaʼteiakahontsiákes, kwáh káti tsi niwáton nohiatonseratokénti, “Tsi iensatwatsirí꞉ne ehʼnenhatíhake tsi níkon hiotsistokwarónnions.”

Ne karharaston neh tkanonhʼkonniáton ne tewethákwen, nehkáti, tsi kahʼkwatákwen nètho kahrharáston ónenk tsi neh ahkariwaniráton ne Rawenni꞉io kwáh iáh non꞉ne thènen tasakokaraiénhase neh Abraham tsi nienhatwatsirí꞉ne iáh rhonónhak khók ó꞉ni takénhake nenhontewénrarhakwe ne kaianerénsera, nók kíʼ tsi niháti neh enthonʼnétakwe tsi kíʼ nihoiéren neh Abraham. Asèken Abraham ne kariwihiostóntsera kanísera rothónʼon nonkwatiakhéson

“Iakotáskats tsi niʼiákon ne Rawenni꞉io shesakonikónrense tsi natahonaterientawénrie, ne rahotiriwaneraháktsera rhoróron! Rhotáskats ne rónkwe neh rahoriwaneraháktsera ne Roiá꞉ner iáh tahokontserhaserónʼnien!”

Noriwatokénti wáton, “Ne Abraham tawethákwen꞉ne ne Rawenni꞉io, ne káti ne Rawenni꞉io wahokwénienste nahothonkwetakwarísion.”