Popular Bible Verses from Matthew 18

Share

Aseken tsinonȣe nihonatkonnison teniiase ok neʼsʼ nasen nihati, eh se kiatare.

Ȣakȣarori oni, ieiohe ne teniiase skariȣat enhnonni tsinikon enhniriȣanonton akȣekon entesakaon ne Rakeniha Karonhiake thenteron.

Nok ne Iesos, raksaa iahononke, rahotinenrihen ȣathotaste. Nok ȣahenron: oriȣiio tsi kȣarori, tokat iah tatenseȣatonnhatenionhe, iah oni eh tentsiseȣaiatotensere tsiniiot nʼeksaokonha iah ki taeseȣataȣeiate ne karonhiake.

Nese ȣahonni onkakiok enhanitente tsiniiot kehiken raksaa, neh tohiken takoȣanen ne Karonhiake.

Nok onka kiok enhoteȣeienton neh nihateksata ii aksennakon, akȣa ii rakateȣeientons.

Akȣa oriȣiio tsi kȣarori, tsinahoten enseȣanerenke nonȣentsiake entkaneren ne Karonhiake, oni tsinahoten enseȣanerension entkanerension ki oni ne Karonhiake.

Etho oni nene nentsiseȣaierase ne Rakeniha Karonhiake thenteron, nʼiah seȣeriasakȣekon tataonseseȣatatenikonrhensere tsi nateseȣatatenikonraksata ne seȣatatekenokonha.

Kenh tanon kaien ne sakoriȣaientatennis neh niieksatotens nehne tiakaȣetakon naksennakon; senha ioianere ne kanenioȣanen aonȣanenhianiionthase nok kaniatarake iaonȣaiatonti.

Oh niiot nise tsi teseȣaiatoreta? ne ronkȣe enskat teȣenniaȣe ronaskȣaien teiotinakarontonha, nok enskat aontiataton, iah onte kenh ok eh tasakotsiakȣarisi, ne tiotonniȣasen tioton oni iaȣenre, nok onontoharakeson niiare ahaiatisakha ne iotiatatonhon?