Popular Bible Verses from Taybo 13

Share

Yaatin Kaalebi asaa Muse sinthan si77i oothidi, “Nuuni xoonanaw danda7iya gisho, ha77i keyidi he biitta yegisidi ane oykoos” yaagis.

Nuuni yan Enaaqa koche gidida Nifilime asata be7ida. Enta be7ida ayfen nuna xeelliya wode nuuni xaqo mela; entika nuna hessada be7oosona” yaagidosona.

Shin Kaalebara bida asati, “He biitta asay nuupe aadhidi minniya gisho, nuuni enta xoonanaw danda7oko” yaagidosona.

Enti yuuyidi wochida biittaba Isra7eele asaas haysada yaagidi iita oda odidosona. “Nuuni wochida biittay yan de7iya asaaka miya biitta; yan de7iya asayka daro adusse.

Enti Museko, “Neeni nuna yeddida biitta bida; he biittan maathinne eessi goggees; he biitta ayfiyaka haysa be7a.

Shin he biittan de7iya asay wolqaama; enta katamatika gimbe dirsan diretidaysatanne gita. Nuuni ubbaafe aathidi Enaaqa kochata yan be7ida.

Amaaleqati Negebe mela biittan; Hitetinne, Yaabuseti derey dariya Amooreta biittan; qassi Kanaaneti Medetiraane Abbaa doonaninne Yordaanose shaafa gaxan de7oosona” yaagidosona.

Paarana mela biittan Qaadesan de7iya Museko, Aaronakonne Isra7eele maabara ubbaako yidosona. Enti be7idaba asa ubbaas odidosona; he biittafe ekidi yida ayfiyaka enta bessidosona.