Popular Bible Verses from Kessa 20

Share

“Nena Gibxefe aylletethaafe kessida Goday ne Xoossay tana. “Taape attishin, hara xoosse goyinnofa.

“Bolla saluwan de7iyaba, woyko garsa sa7an de7iyaba, woyko sa7ape garsan haatha giddon de7iyaba aybaka new goyinniya eeqa daanisada oothofa. Entaw hokofa woyko enta goyinnofa. Ayis giiko, taani, Goday ne Xoossay, ta bonchuwa hara xoossatara koxonna Xoosse. Tana ixiya aawata nagaraa gisho nayta heedzantho woyko oyddantho yeletethi gakanaw hanqana.

“Goday ne Xoossay new immiya biittan ne laythay aduqana mela ne aawanne ne aayiw boncha.

“Sambaata Geeshsha gallas oothada naaga.

“Xoossaa ne Godaa sunthaa hadan denthofa. Goday ba sunthaa hadan dentheyisata seeronna aggenna.

Neeni ooso oothanaw bessiya usupun gallasati de7oosona. Shin laapuntha gallasay neeni Godaa bonchiya shempo gallas. He gallasan ayba oosoka oothofa. Neeni, woyko ne nayti, woyko ne aylleti, woyko ne mehey, woyko ne biittan de7iya asa gade asati he gallasan ooso oothopite.

“Ne laggiya keethaa amottofa. Ne laggiya machiw, woyko iya aylleta, woyko iya mehiya, woyko iya hariya, woyko iyaw de7iyaba aybaka amottofa” yaagis.

“Ne laggiya bolla wordo markatofa.

“Laammofa.

“Ase wodhopa.

“Kaysotopa.