Popular Bible Verses from - रोमियों 8

Share

हम जानत आंय, कि जौन जनें परमेसुर से प्रेम राखत आंय, उन के लाने सबरी बातें भलाई हां उत्पन्न करत आंय, जाने के उनईं के लाने जौन ऊ की मन्सा अनसार टेरे गए आंय।

कायसे मोय पक्को बिसवास आय, कि न मौत, न जीवन, न सरगदूत, न बड़ेअधकार, न अबै कौ टैम, न आबेवारो टैम, न बल, न ऊंचाई। न गैराई और न कोऊ संसार की बातें, हम हां परमेसुर के प्रेम से, जौन हमाए पिरभु यीशु मसीह में आय, अलग कर सकत आय।

ई भांत आत्मा सोई हमाई कमजोरी में सहायता करत आय, कायसे हम नईं जानत, कि बिन्तवाई कौन रीत से करो चईये; परन्त आत्मा खुद बड़ी पीड़ा से भर के जौन लेखी नईं जा सकत, हमाए लाने बिन्तवाई करत आय।

सो हम इन बातन के लाने का कैबें? जदि परमेसुर हमाई कुदाऊं आय, तो हमाओ बिरोदी को हो सकत आय?

सो अब जौन मसीह यीशु में आंय, उन पे दण्ड कौ हुकम नईंयां: कायसे बे देयां के अनसार नईं पर आत्मा के अनसार चलत आंय।

देयां की मन्सा अनसार चलबो तो मौत आय, पर आत्मा पे मन लगाबो जीवन और सान्ति आय।

पर इन सबरी बातन में हम ऊके द्वारा जीने हम से प्रेम करो आय, जीत पाबेवारे से बढ़के आंय।

कायसे मैं समजत आंव, अबै के दुख परेसानी ऊ मईमा के आंगू, जौन हम पे उजागर होबेवारी आय, कछु लौ नईंयां।

को हम हां मसीह के प्रेम से अलग कर है? का सताव, या संकट, या उपद्रव, या आकाल, या नंगाई, या जोखम, या तलवार?

और हिये कौ परखबेवारो जानत आय, कि आत्मा की मन्सा का आय? कायसे बो पवित्तर मान्सन के लाने परमेसुर की मन्सा अनसार बिन्तवाई करत आय।

ई लाने कि जितेक मान्स परमेसुर की आत्मा के चलाए चलत आंय, बेई परमेसुर के पूत आंय।

कायसे अधर्मवारे जनें अधर्म की बातन पे हिया लगात आंय; पर धरमी जनें आत्मा की बातन में हिया लगात आंय।

जीने अपने निज पुत्तर हां सोई न रख छोड़ो, पर उए हम सब के लाने दे दओ: बो ऊके संग्गै हम हां और सबई कछु काय न दै है।

आत्मा खुद हमाई आत्मा के संग्गै गवाय देत आय, कि हम परमेसुर के लरका बिटिया आंय। जदि लरका बिटिया आंय, तो वारिस सोई, जाने के परमेसुर के वारिस और मसीह के संगी वारिस आंय, जब हम ऊके संग्गै दुख मुसीबत उठाबें तो ऊके संग्गै मईमा सोई पा हैं।

कायसे देयां की मन्सा अनसार चलबो तो परमेसुर से बैर धरबो आय, जा बात न तो परमेसुर की नेम व्यवस्था के आधीन आय, और न हो सकत आय।

कायसे सबरो संसार बड़ी आसा से परमेसुर के लरका बिटिया के उजागर होबे की बाट जोह रओ आय।

कायसे हम जानत आंय, कि सबरो संसार अब लौ जुड़ के गुहार भरत और पीड़ा में पड़ी तड़फत आय।