Popular Bible Verses from - रोमियों 4

Share

और न अबिसवासी बन के परमेसुर की कौल किरिया पे संका करी, पर बिसवास में पक्को होकें परमेसुर हां मईमा दई। और पक्की जान लेओ, कि जौन बात की ऊ ने कौल किरिया करी आय, बो ऊहां पूरो करबे में सई सांचो आय।

(जैसो लिखो आय, मैंने तोय बिलात जातियन कौ बाप ठैराओ आय), ऊ परमेसुर के सामूं जीपे ऊ ने बिसवास करो हतो और जौन मरे भयन हां जिलात आय, और जौन बातें हैईं नईंयां, उन कौ नाओं ऐसो लेत आय, मानो बे आंय।

बो हमारे पापन के काजें पकड़वाओ गओ और हम हां धरमी बनाबे के लाने जिलाओ सोई गओ।

ऊ ने निरासा में सोई आसा रख के बिसवास करो, ई लाने कि बचन के अनसार कि तोरो कुल वंस ऐसो हुईये बो बिलात जातन कौ बाप होबे।

ऐई काजें कौल करार बिसवास के द्वारा मिलत आय, कि दया की रीति पर होबे, कि बो ऊके कुल वंसवारन के लाने पक्की होबे, न केवल उन के लाने जौन नैम व्यवस्थावारो आय पर उन के लाने सोई जौन इब्राहीम के घांई बिसवास करबेवारे आंय: ओई तो हम सबरन कौ बाप आय।

धन्न आंय बे जिन के पाप छिमा भए, और जिन के पाप ढांपे गए। धन्न आय बो मान्स जिए परमेसुर पापी न ठैराए।

पवित्तर धरम पोथी का कैत आय? जौ कि इब्राहीम ने परमेसुर पर बिसवास धरो, और जौ ऊके लाने धार्मिकता गिनो गओ।