Popular Bible Verses from - पैलो इतिहास 16

Share

यहोवा परमेसुर और ऊकी सामर्थ्‍य की खोज करौ; ऊके दरसन के लाने लगातार खोज करो।

यहोवा परमेसुर कौ धन्‍नवाद करो, कायसे ऊ भलो आय; ऊकी करुना हमेसा की आय।

यहोवा परमेसुर कौ धन्‍नवाद करो, ऊसें बिन्‍तवाई करो; देस-देस में ऊके कामों कौ परचार करो।

ऊके पवित्तर नाओं पै घमण्‍ड करो, यहोवा परमेसुर के ढूंढ़बेवारन कौ हिया आनन्‍दित होए।

ऊके करे भए अजूबाकामों, ऊके चमत्‍कार और न्‍यायवचन सुमरन करो।

ऊकौ गीत गाओ, ऊकौ भजन करो, ऊके सबरे अजूबाकामों कौ ध्‍यान करो।

कायसे यहोवा परमेसुर महान और भजन करबे के जोग आय, ऊ तौ सबरे देवतन सें अधक भयजोग आय।

यहोवा परमेसुर के नाओं की मईमा एैसी मानो जौन ऊके नाओं के जोग आय। भेंट लैकें ऊके सामूं आओ, पवित्रता सें सजकें यहोवा परमेसुर हों दण्‍डवत करो।

ऊके चारऊं कुदाईं बैभव और ऐश्‍वर्य आय; ऊकी जागां में सामर्थ्‍य और आनन्द आय।

हे सबरी पृथ्‍वी के मान्सन, यहोवा परमेसुर कौ गीत गाओ। रोजीना ऊके करे भए उद्धार कौ सुभ समाचार सुनात रओ।

अन्‍यजातियन में ऊके जस कौ, और देस-देस के मान्‍सन में ऊके अजूबाकामों कौ बखान करो।

“मोरे अभिसिक्‍तों हों नें छुओ, और नें मोरे आगमवक्‍तन की हानि करौ।”

कायसे देस-देस के सबरे देवता मूरतेंईं आंय; परन्‍त यहोवा परमेसुर ही ने सरग हों बनाओ आय।

ऊकी बाचा हों हमेसा सुमरन रखौ, जौ ओई बचन आय जौन ऊने हजार पीढ़ियों के लाने ठैरा दओ।

आकास खुसी करे और पृथ्‍वी मगन होए, और जात-जात में मान्‍स कएं, “यहोवा परमेसुर राजा भओ आय।”

अनादिकाल सें लैकें अनन्तकाल लौ इस्राएल कौ यहोवा परमेसुर धन्न आय।” तब सबरी परजा ने “आमीन” कई; और यहोवा परमेसुर की स्‍तुति करी।

हे देस-देस के कुलो, यहोवा परमेसुर कौ गुणगान करो, यहोवा परमेसुर की मईमा और सामर्थ हों मानो।