Popular Bible Verses from Singx Nzung 95

Share

Daaih maah! Mbuo oix zuqc puoqv njiec baaix ninh. Mbuo oix zuqc gueic njiec Zeix Mbuo Daaih Wuov Dauh ZIOUV nyei nza'hmien. Weic zuqc ninh benx mbuo nyei Tin-Hungh. Mbuo se ninh nyei miev-ciangv nyei baeqc fingx, yiem ninh nyei buoz-ndiev nyei ba'gi yungh. Tov meih mbuo ih hnoi muangx ninh nyei qiex.

Daaih maah! Mbuo oix zuqc daaih baaux nzung ceng ZIOUV. Mbuo njien-youh nyei heuc jienv ceng njoux yie mbuo nyei La'bieiv. Mbuo oix zuqc daaih yiem ninh nyei nza'hmien dor-ziec ninh, yaac oix zuqc njien-youh nyei heuc jienv baaux nzung ceng ninh.

Weic zuqc ZIOUV se hlo haic nyei Tin-Hungh, yaac zoux domh Hungh Diex, gauh hlo jiex maanc zienh.

Ndau-ndiev ndo jiex nyei dorngx yiem ninh nyei buoz gu'nyuoz. Hlang jiex nyei mbong yaac benx ninh nyei.