Popular Bible Verses from Singx Nzung 91

Share

wuov dauh ziouc gorngv mbuox ZIOUV, “Meih se yie ndaauh kaux nyei dorngx, caux weih wuonv nyei dorngx, yie nyei Tin-Hungh, dongh yie kaux wuov dauh.”

Haaix dauh yiem Hlang Jiex Wuov Dauh nyei torngv laangh dorngx, se zanx yiem Nernh Jiex Wuov Dauh nyei dongh linh gu'nyuoz

Se gorngv ninh heuc yie, yie ziouc dau ninh. Ninh buangh zuqc haaix nyungc naanc zingh, yie oix caux ninh yiem. Yie oix njoux ninh yaac taaih ninh.

weic zuqc Tin-Hungh oix paaiv ninh nyei fin-mienh goux jienv meih, beu jienv meih maiv gunv meih mingh taux haaix.

Ninh zungv longc ninh nyei ndaatv gomv jienv meih. Yiem ninh nyei ndaatv ga'ndiev ziouc bun meih maaih ndaauh kaux nyei dorngx. Ninh ziepc zuoqv nyei hnyouv zoux domh torngv-baaih, fiuv-torngv-baaih beu jienv.

Weic zuqc meih bun ZIOUV, zoux meih ndaauh kaux wuov dauh, se Yiem Hlang Jiex Wuov Dauh, benx meih yiem nyei dorngx, maiv maaih haaix nyungc ciouv nyei sic ndortv zuqc meih. Maiv maaih haaix nyungc siem nyei zeqc naanc daaih nitv fatv meih nyei biauv

Ninh oix njoux meih simv ndutv zaeng norqc mienh nyei koux, caux doqc haic nyei wuon-baengc.

Nziex haih maaih yietc cin dauh mienh king njiec meih nyei ga'hlen, yietc waanc dauh king njiec meih nyei mbiaauc maengx, mv baac naaiv deix sic maiv daaih nitv fatv meih.

Meih yaac maiv zuqc gamh nziex lungh muonz-zanc nyei heiv sic, fai lungh hnoi zanc buonv daaih nyei forng-cang, fai lungh muonz zanc daaih nyei domh wuon-baengc, fai lungh aanx zanc bun mienh zuqc mietc nyei zeqc naanc.