Popular Bible Verses from Singx Nzung 37

Share

Oix zuqc a'hneiv lorz ZIOUV nyei orn-lorqc, ninh ziouc ziux meih nyei hnyouv oix nyei ceix bun meih.

Oix zuqc zorqv meih nyei jauv fungx bun ZIOUV, yaac kaux ninh, ninh ziouc tengx meih zoux ziangx.

Oix zuqc yiem ZIOUV nyei nza'hmien sekv-sekv nyei longc noic zuov ninh. Maiv dungx weic ei ganh nyei jauv duqv longx fai ei waaic nyei za'eix zoux wuov deix guaax hnyouv.

Oix zuqc kaux ZIOUV yaac zoux kuv sic, meih ziouc duqv baengh orn nyei yiem naaiv norm deic-bung.

ZIOUV liepc wuonv mienh yangh nyei zaux-caaiv. Ninh yaac a'hneiv wuov dauh yangh nyei jauv. Maiv gunv ninh ndorpc, ninh maiv ziangh dauh king njiec, weic zuqc ZIOUV nyei buoz baav jienv ninh.

Ninh oix bun meih zoux baengh fim nyei jauv hnangv njang nor ziux cuotv daaih, bun meih nyei gong-fim hnangv lungh aanx zanc nyei njang.

Maiv dungx qiex jiez, oix zuqc guangc nqoi nouz mienh nyei hnyouv. Maiv dungx guaax hnyouv, naaiv kungx dorh mienh mingh zoux orqv sic hnangv.

Zinh ndaangc yie lunx, ih zanc yie gox aqv, mv baac yie maiv buatc jiex kuv mienh zuqc guangc, yaac maiv buatc jiex ninh nyei zeiv-fun tov nyanc.

Maiv dungx weic zoux orqv nyei mienh guaax hnyouv. Yaac maiv dungx mueic jieqv zoux dorngc nyei mienh.