Popular Bible Verses from Singx Nzung 119

Share

Meih nyei waac se hnangv dang ziux yie nyei zaux-mbiec, yaac zoux yie jauv zaangc nyei njang.

Yie zorqv meih nyei waac zaangh jienv yie nyei hnyouv, weic bun yie maiv baamz zuiz dorngc meih.

Houh saeng mienh oix zuqc hnangv haaix nor goux duqv ninh ganh nyei jauv cing-nzengc? Se oix zuqc ei jienv meih nyei waac zoux.

Gan longx ninh gorngv nyei waac, se longc nzengc hnyouv lorz ninh wuov deix, maaih orn-lorqc.

Meih zoux yie bingx nyei dorngx yaac zoux yie nyei torngv-baaih. Yie kaux meih nyei waac maaih lamh hnamv dorngx.

Tov bun yie mengh baeqc weic bun yie haih gan meih nyei leiz-latc, yaac longc nzengc hnyouv ei jienv zoux.

Tov bun yie maaih hnyouv oix longc meih njaaux nyei waac, maiv zeiz kungx douh leic zinh.

Yie zuqc kouv se longx nyei, weic bun yie hoqc linc meih nyei leiz-nyeic.

Meih laengz nyei waac bun yie maaih maengc ziangh, yie zuqc naanc zingh nyei ziangh hoc ziouc orn yie nyei hnyouv.

Tov dorh yie gan meih nyei lingc nyei jauv, weic zuqc naaiv diuh jauv yie a'hneiv haic.

O ZIOUV aac, tov njaaux yie gan meih nyei leiz-nyeic, yie ziouc gan meih taux daauh taux mueiz.

Yie nyei hnyouv nzauh duqv kouv hnangv yuqc nzengc nor, tov ziux meih nyei waac tengx yie henv jiez daaih.

O yie za'gengh hnamv meih nyei leiz-latc, yie ziangh hnoi maiv dingh liouh nyei fei-fangv.