Popular Bible Verses from Tin Deic Douh 50

Share

Meih mbuo daav za'eix hoic yie, mv baac Tin-Hungh longc wuov nyungc za'eix zoux longx nyei sic. Hnangv ih zanc mbuo buatc jienv nor, ninh longc naaiv nyungc za'eix njoux mienh camv nyei maengc.

Mv baac Yosepv gorngv mbuox ninh nyei gorx mbuo, “Maiv dungx gamh nziex. Yie se maiv zeiz Tin-Hungh.

Hnangv naaic, gorx mbuo maiv dungx gamh nziex. Yie yaac oix goux meih mbuo caux meih mbuo nyei hmuangv doic.” Ninh gorngv waac longx nyei bun ninh mbuo, orn ninh mbuo nyei hnyouv.

‘Oix zuqc mbuox Yosepv, tov guangc nqoi meih nyei gorx mbuo zoux dorngc hoic meih wuov deix sic.’ Ih zanc yie mbuo, meih nyei die nyei Tin-Hungh nyei bou, tov meih guangc nqoi yie mbuo zoux dorngc meih nyei zuiz.” Yosepv haiz cuotv naaiv deix waac ninh ziouc nyiemv aqv.

Yosepv gorngv mbuox ninh nyei muoz-doic, “Guei seix nyei ziangh hoc aav lamh deix taux aqv. Mv baac Tin-Hungh zungv oix daaih tengx meih mbuo, dorh meih mbuo cuotv naaiv norm deic-bung, mingh taux zinh ndaangc ninh laengz jiez ngaengc waac bun Apc^laa^ham, I^sakc caux Yaakopv, wuov norm deic-bung.”

Yosepv aengx heuc I^saa^laa^en nyei dorn laengz ngaengc waac. Ninh gorngv, “Tin-Hungh zungv oix daaih tengx meih mbuo. Meih mbuo oix zuqc dorh jienv yie nyei mbungv bienh jienv mingh.”

Yosepv ziangh yietc baeqv ziepc hnyangx yiem wuov I^yipv Deic-Bung guei seix mi'aqv. Ninh mbuo zorqv sei ziemx jienv ndie-wuom bun maiv haih huv, maiv haih zueix, yiem wuov I^yipv Deic-Bung dapv jienv benv aqv.