Popular Bible Verses from Tin Deic Douh 35

Tin-Hungh aengx gorngv, “Yie se Nernh Jiex nyei Tin-Hungh. Meih oix zuqc maaih fu'jueiv camv. Meih nyei zeiv-fun oix hiaangx daaih benx yietc fingx caux camv-guoqv nyei fingx. Maaih deix meih nyei zeiv-fun yaac oix duqv zoux hungh. Yie jiu bun Apc^laa^ham caux I^sakc nyei deic-bung, yie yaac jiu bun meih caux meih nyei hoz doic zeiv-fun.”

Mbuo oix zuqc leih nqoi naaiv norm dorngx mingh yiem Mbetc^en. Taux wuov yie oix ceix norm ziec-dorngh weic Tin-Hungh, dongh zinh ndaangc yie buangh zuqc kouv naanc ninh tengx yie, yie mingh taux haaix ninh yaac caux yie mingh, wuov dauh Tin-Hungh.”

Tin-Hungh mbuox ninh, “Meih nyei mbuox heuc Yaakopv mv baac yangh naaiv jiex meih nyei mbuox oix zuqc goiv heuc I^saa^laa^en.” Hnangv naaiv ninh ziouc duqv mbuox heuc I^saa^laa^en.

Yaakopv ziouc mbuox ninh nyei hmuangv doic aengx caux ninh yiem wuov deix mienh, “Meih mbuo maaih ganh fingx nyei haaix nyungc miuc-fangx oix zuqc guangc taux nzengc. Oix zuqc saax nzengc uix, yienc lui-houx.

Tin-Hungh gorngv mbuox Yaakopv, “Ih zanc meih oix zuqc suiv mingh yiem Mbetc^en. Yiem wuov oix zuqc ceix norm ziec-dorngh weic yie, dongh zinh ndaangc meih biaux meih nyei gorx, Esaau, wuov zanc hinc cuotv daaih bun meih buatc nyei Tin-Hungh.”

Laasen aav lamh daic wuov zanc, ninh aengx tauv cuotv nzunc qiex, tengx ninh nyei dorn cuotv mbuox heuc Mben^o^ni. Mv baac Yaakopv cuotv mbuox heuc Mben^yaa^min.