Popular Bible Verses from E^se^ken 37

Share

Ninh ziouc mbuox yie, “Oix zuqc douc waac mbuox naaiv deix mbungv, ‘Mbungv-nqaai aah! Oix zuqc muangx ZIOUV nyei waac maah! Ziouv TIN-HUNGH hnangv naaiv gorngv mbuox meih mbuo naaiv deix mbungv. “Yie oix bun tauv nyei qiex bieqc meih mbuo gu'nyuoz, meih mbuo ziouc nangh daaih.

Yie oix bun meih mbuo maaih jaan, bun orv cuotv daaih aengx bun ndopv buang jienv meih mbuo. Yie oix bun tauv nyei qiex bieqc meih mbuo gu'nyuoz, meih mbuo ziouc nangh daaih. Meih mbuo ziouc hiuv duqv yie se ZIOUV. ”+’+”

Ninh gorngv mbuox yie, “Baamh mienh aah! Naaiv deix mbungv aengx haih nangh nyei fai?” Yie ziouc dau, “O Ziouv TIN-HUNGH aac, meih ganh hiuv nyei.”

ZIOUV nyei qaqv daaih yiem yie nyei sin. ZIOUV longc ninh nyei Singx Lingh dorh yie cuotv mingh yiem norm horngz gu'nyuoz. Wuov norm horngz maaih mbungv buangv nzengc. Ninh dorh yie yangh mingh yangh daaih mangc nzengc wuov deix mbungv. Buatc horngz gu'nyuoz maaih mbungv za'gengh camv! haic. Mbungv yaac mborngx nqaai nyei.

Yie ziouc ziux ZIOUV paaiv yie douc waac. Douc waac nyei ziangh hoc maaih qiex mbui ba'likv ba'lorkv nyei. Mbungv caux mbungv daaux jienv jaax, yietc diuh daaux yietc diuh. Yie mangc buatc mbungv maaih jaan yaac cuotv orv aengx maaih ndopv buang jienv mbungv mv baac yiem naaic gu'nyuoz maiv maaih tauv nyei qiex.