Popular Bible Verses from Cuotv I^yipv 8

Share

Zoux huaax-nyinz nyei mienh oix longc ninh mbuo nyei faatv zoux gaeng-mbung yaac zoux maiv cuotv. Gaeng-mbung daaih fiaau mienh nyei sin caux saeng-kuv nyei sin. Zoux huaax-nyinz nyei mienh gorngv mbuox Faalo, “Naaiv se Tin-Hungh zoux nyei sic.” Mv baac Faalo Hungh nyei hnyouv ngaengc haic, maiv kangv muangx ninh mbuo nyei waac, hnangv ZIOUV gorngv nor.

ZIOUV aengx gorngv mbuox Mose, “Meih oix zuqc mingh mbuox Faalo Hungh, ‘ZIOUV hnangv naaiv nor gorngv, “Bungx yie nyei baeqc fingx weic bun ninh mbuo mingh zaangc yie.

Mv baac Faalo Hungh buatc gaengv daic nzengc, ninh nyei hnyouv aengx ngaengc aqv. Ninh maiv kangv muangx Mose caux Aalon nyei waac, hnangv ZIOUV gorngv nor.

Meih maiv kangv bungx ninh mbuo mingh nor, yie oix bun gaengv faanv buangv nzengc meih nyei deic-bung.

ZIOUV aengx gorngv mbuox Mose, “Mbuox Aalon ‘Zorqv biaav-mbiaac mborqv nie-mbung. Nie-mbung ziouc benx gaeng-mbung buangv I^yipv Deic-Bung.’+”

ZIOUV ziouc hnangv naaiv zoux. Mungz faanv ngomh ngomh nyei bieqc Faalo nyei hungh dinc caux ninh nyei jien nyei biauv. Deic-bung haaix ndau maaih mungz buangv nzengc. Laaix naaiv deix mungz faanv, ziouc hoic deic-bung waaic nzengc mi'aqv.