Popular Bible Verses from Cuotv I^yipv 2

Share

Tin-Hungh haiz ninh mbuo njunh yaac jangx zuqc ninh caux Apc^laa^ham, I^sakc caux Yaakopv laengz jiex nyei ngaengc waac. Tin-Hungh mangc I^saa^laa^en Mienh, hiuv duqv ninh mbuo nyei kouv-zingh yaac korv-lienh nyei.

Jiex liuz camv-hnyangx, I^yipv Deic-Bung nyei hungh diex guei seix mi'aqv. Wuov deix I^saa^laa^en Mienh nzauh haic, njunh jienv yiem, laaix ninh mbuo zuqc zoux nouh kouv haic. Ninh mbuo nyiemv jienv heuc Tin-Hungh tengx ninh mbuo. Tin-Hungh yaac haiz mi'aqv.

Gu'nguaaz nyei maa ziouc hlorpv gu'nguaaz mingh dorh. Gu'nguaaz hlo deix, ninh nyei maa fungx mingh bun hungh sieqv ziouc benx hungh sieqv nyei dorn mi'aqv. Hungh sieqv tengx naaiv dauh dorn cuotv mbuox heuc Mose. Hungh sieqv gorngv, “Weic zuqc yie yiem wuom zorqv ninh cuotv daaih.”

Faalo Hungh nyei sieqv gorngv mbuox gu'nguaaz nyei maa, “Tengx yie dorh naaiv dauh gu'nguaaz oc. Yie bun gong-zinh meih nyei.”

Faalo Hungh nyei sieqv mingh wuov Nai^aa Ndaaih nzaaux sin. Mbienz ninh wuov deix m'sieqv bou yiem wuov ndaaih hlen saau a'nziaauc. Hungh sieqv buatc wuov norm ndaan yiem wuov luoqc diqc lomc ziouc heuc ninh nyei nouh beiz mingh zorqv daaih.

Mose hlo daaih aqv. Maaih hnoi nor, ninh cuotv mingh mangc caux ninh juangc fingx nyei mienh, buatc ninh mbuo zuqc mienh hoic zoux gong kouv haic. Ninh buatc dauh I^yipv Mienh mborqv dauh Hipv^lu Mienh, dongh caux ninh juangc fingx nyei mienh. Mose ziouc mangc naaiv mangc wuov, buatc maiv maaih mienh. Ninh ziouc zorqv wuov dauh I^yipv Mienh daix daic biopv jienv saa-ziou ndui bingx jienv.