Popular Bible Verses from Римдиктерге 4

Share

Ишеними өчпөгөн Ыбрайым Кудай Өз убадасын аткарарынан эч күмөн санабады. Ишениминен кубат алып, ал Кудайды мактап турду. Кудай эмнени убада кылса, ошону аткарууга кудуреттүү экенине ал толук ишенди.

Ыйык Жазууда айтылгандай, «Мен сени көптөгөн элдердин атасы кылдым». Өлгөндөргө кайрадан өмүр берип, жок нерсени бар кылуучу Кудайга ишенген үчүн ал ушундай убадага ээ болгон.

Күнөөбүздүн кунун төлөш үчүн Ыйса курмандыкка берилип, бизди Кудай алдында акташ үчүн өлгөндөн кайра тирилген.

Үмүтүнөн кол үзгүдөй болгон кезде да Ыбрайым үмүтүнөн жазбай, Ыйык Жазууда «укум-тукумуң сан жылдыздай көп болот» деп жазылгандай, убадага ылайык «көптөгөн элдердин атасы» болоруна ишене берди.

Ошентип, Кудайдын убадасы ишенимге негизделип, Анын ырайымы катары Ыбрайымдын бардык урпактарына: мыйзамды аткаргандарына да, Ыбрайымга окшоп ишенгендерине да бекер берилери кепилдикке алынды. Ал – биздин баарыбызга ата.

«Адилетсиз иштери кечирилип, Күнөөлөрү жабылгандар ырыстуу! Мойнуна күнөөлөрүн Жараткан Ээ Койбогон ар бир адам ырыстуу!»

Жазууда айтылгандай, «Ыбрайым Кудайга ишенип, ошону менен Кудай алдында ак деп табылды».