Popular Bible Verses from Romabi 10

Share

Ke o kɛ o nya jaje ke Yesu ji Nyɔmtsɛ, nɛ o he ye ngɛ o tsui mi kaa Mawu tle lɛ si kɛ je gbeje ɔ, a ma he o yi wami.

Ejakaa tsui a kɛ heɔ yeɔ kɛ yaa dami mi, nɛ nya a kɛ jajeɔ kɛ yaa yi wami hemi mi.

Lɔ ɔ he ɔ hemi kɛ yemi ɔ, sane tue bumi mi e jee, nɛ sane tue bumi hu guu Mawu munyu ɔ nɔ kɛ baa.

Ejakaa ngmami ɔ deɔ ke: “Nɔ tsuaa nɔ nɛ heɔ e nɔ yeɔ ɔ, zo be lɛ gbee.” Ejakaa slɔɔto ko be Yuda no kɛ Hela no kpɛti; ejakaa Nyɔmtsɛ kake mɛ kulaa a ngɛ, nɛ niatsɛ hu ji lɛ ha nihi tsuo nɛ kpaa ngmlaa kɛ tsɛɛ lɛ ɔ. Ejakaa nɔ tsuaa nɔ nɛ ma kpa ngmlaa kɛ tsɛ Nyɔmtsɛ ɔ biɛ ɔ, a ma he e yi wami.

Nɛ kɛ maa pee kɛɛ nɛ a maa fiɛ ke a tsɔ we mɛ ɔ? Kaa bɔ nɛ a ngma a ke: “Hyɛ bɔ nɛ he jɔmi sane kpakpa fiɛli nɛ fiɛɛ ni kpakpa amɛ a nanehi ngɛ fɛu ha!”

Se kɛ maa pee kɛɛ nɛ a ma kpa ngmlaa kɛ tsɛ nɔ nɛ a he we lɛ yi ɔ? Nɛ kɛ maa pee kɛɛ nɛ a ma he nɔ nɛ a nui e he sane ɔ ngɔ ye? Nɛ jeha nɛ hu, kɛ maa pee kɛɛ nɛ a maa nu ke fiɛlɔ ko be ɔ?

Ejakaa Kristo ji Mlaa a nyagbe, nɛ lɛ ji dami kɛ ha nɔ tsuaa nɔ nɛ heɔ yeɔ ɔ. Yiwamihemi ngɛ kɛ ha nɔ tsuaa nɔ