Popular Bible Verses from Римлилеге 12

Share

Эмда бу ёмюрню халы бла келишмегиз, алай а Аллахны ыразы этген ахшылыкълы, тамам толу буйругъу не болгъанын сиз ангылар ючюн акъылыгъызны жангырыуу бла тюрленигиз.

Алай бла, къарындашла, Аллахны мархаматлылыгъыны хатыры бла сизден тилейме, кесигизни Аллахха тири, сыйлы, Аны ыразы этиучю къурманнга беригиз. Анга тюз акъыл бла алай къуллукъ этерсиз.

Ышаныу бла къууаныгъыз, къыйынлыкъда тёзюмлю, тилек этиуде тохтаусуз болугъуз.

Аманлыкъгъа хорлатма, алай а аманлыкъны игилик бла хорла.

Ариу хал бла бир-биригизге къарындаш сюйюучюле болугъуз. Бир-биригизге хурмет этиуде эришигиз.

Сюймеклигигиз кёзбаусуз болсун. Аманлыкъдан жийиргенигиз, ахшылыкъгъа жабышыгъыз.

Сизни жаныгъыздан онг бар эсе, битеу адамла бла жарашыулукъда болугъуз.

Кесигиз ючюн дерт жетдирмегиз, сюйюлюннгенле, алай а муну Аллахны чамланыууна бошлап къоюгъуз. Нек десегиз Китапда: «Дерт жетдириу Мениди, Мен тийишлисин берирме, – дейди Раббий», – деп жазылгъанды.

Кёл салыудан къарыусуз болмагъыз, нюр бла жаныгъыз, Раббийге къуллукъ этигиз.

Аллах манга берген шафауатха кёре, сизни хар биригизге да айтама: кеси юсюгюзден кереклисинден кёп ойлашмагъыз; алай а Аллах хар биригизге да юлешип берген ийманыгъызны мардасына кёре эслилик бла ойлашыгъыз.

Бир кишиге да аманлыкъ ючюн къайтарып аманлыкъ этмегиз, алай а битеу адамлагъа иги кёрюннген затланы этерге кюрешигиз.

Кеси арагъызда бир акъыллы болугъуз. Уллу билимлилик этерге кюрешмегиз, алай а сабырлагъа нёгер болугъуз, кесигизни уллудан кёрмегиз.

Алай бла душманынг ач эсе, анга ашат; суусап эсе, анга ичир. Нек десенг муну этип, сен аны башына жаннган кесеуле жыярса.

Сизге зулму этгенлеге алгъыш этигиз; алгъыш этигиз, къаргъыш а этмегиз. Къууаннганла бла къууаныгъыз, жилягъанла бла жилягъыз.

Сыйлыланы кереклилерине къайгъырып къарагъыз, къонакъ алыучу болургъа эришигиз.

Нек десегиз, бизни бир чархыбызда кёп санла болуп, алай а битеу санланы ишлери бирча болмагъаны кибик, Биз да кёп эсек да, Масихде бир чарх къурайбыз, башха-башха уа бирибиз-бирибизге санлабыз.