Popular Bible Verses from Якъуп 3

Share

Огъартындан келген акъылманлыгъ’а, бек алгъа тазады, андан сора жарашыулуду, адеплиди, тёзюмлюдю, мархаматдан бла ахшы ишледен толуду, жакъ басмайды эм кёзбаусузду.

Сизде акъылман эм ангылаулу адам ким эсе, аны ёз ишлери бла, ариу халы бла эм сабыр акъылы бла кёргюзтсюн.

Жарашыулукъ этиучюле тюзлюклюлюкню битимин жарашыулукъ бла себедиле.

Нек десегиз зарлыкъ бла эгоистлик къайда эсе, низамсызлыкъ эмда хар тюрлю аман иш андады.

Тил бла Раббийге эм Атагъа махтау салабыз эм аны бла Аллах Кесини сыфатына кёре жаратхан адамланы къаргъайбыз: Бир аууздан алгъыш да, къаргъыш да чыгъады. Къарындашларым, ол алай болургъа керек тюйюлдю.

Тил да отду, аманлыкъны аламыды. Тил, бизни санларыбызны арасында битеу чархыбызны харам этип, жашауубузну хар жанын къабындыргъан халдады, кеси да жаханимден къабынады.

Тилин тыяргъа уа адамладан бир киши да болалмайды: ол тыйылмагъан аманлыкъды, ол ёлюр отдан толуду.

Къарындашларым! Биз устазлагъа къаты сюд этиллигин билигиз, аны себепли кёбюгюз устазла болмагъыз.