Popular Bible Verses from Romanos 8

Share

Jaikuaa Tupã Ñandejára opa mba'e ombohapeha iporãvarã umi ichupe ohayhúvape, umi ha'e ohenói va'ekuépe ojapose haguéicha.

Upéva rehe aikuaa porã ndaiporiha mba'eve ikatu vaerã ñande pe'a Tupã Ñandejára mborayhúgui. Mano, terã tekove, terã ángel kuéra, terã yvypora'ỹva pu'akakue, terã ko'ãgagua, terã ou vaerã, terã yvategua, terã pypuku oĩva, terã mba'e ambue Tupã Ñandejára ojapo va'ekue, ndaikatúi ñande pe'a pe Tupã Ñandejára mborayhúgui, Ñandejára Jesucristo rupi ohechauka va'ekue ñandéve.

Upeichaite avei pe Espíritu Santo ñane pytyvõ pe ñande reko mbarete'ỹme. Na ñañembo'ekuaái tekotevẽ háicha, upéicharamo jepe pe Espíritu Santo voi ojerure ñande rehe pyahẽ reheve oje'ekuaa'ỹva ñe'ẽme.

¿Mba'épa ja'éta, aipóramo, ko'ã mba'e rehe? Tupã Ñandejára oĩ ramo ñanendive ¿piko máva ikatúta oñemoĩ ñande rehe?

Ha upéicha noñecondenavéima umi oñemopeteĩva Cristo Jesús ndive, umíva ndoikovéima yvypóra rekovekue oipota háicha, pe Espíritu oipota háicha uvei oiko.

Pe jepy'amongeta yvypóra reko rehegua rehe ogueru mano; pe Espíritu reko rehegua rehe katu ñane moingove ha ñane mbopy'aguapy.

Opáichavo, opa ko'ã mba'épe ndaipóri ipu'akáva ñande rehe, upe ñande rayhu va'ekue rupi.

Ha upéicha, pe jehasa asy ko'ãgagua ndaha'éi mba'eve ñambojoja ramo pe gloria upéi jahecha vaerã rehe.

¿Mávapa ikatúne ñande pe'a Cristo mborayhúgui? ¿Ikatúnepa ojapo pe jepy'apy, terã mba'e hasýva, terã persecución, terã ñembyahýi, terã opívo, terã ñemongyhyje, terã jejuka kyse pukúpe?

Ha Tupã Ñandejára ohecháva ñande py'apy oikuaa pe Espíritu Santo he'iséva, ojerurégui Tupã Ñandejára oipota háicha umi imba'éva rehe.

Opa umi oisambyhývape Tupã Ñandejára Espíritu umíva Tupã Ñandejára ra'y.

Umi oikóva yvypóra rekópe, oñepy'amongeta yvypóra reko rehe; umi oikóva Espíritu ñe'ẽme katu oñepy'amongeta Espíritu reko rehegua rehe.

Tupã Ñandejára na hakate'ỹi va'ekue ñandéve Ta'ýra teete rehe jepe, ome'ẽ va'ekue uvei ichupe omano haguã ñande opavave rehe, ¿mba'éicha piko nome'ẽ mo'ãi avei ñandéve Ta'ýra ndive opa mba'e?

Ha pe Espíritu ete voi niko ñande py'apýpe oikuaauka ñandéve Tupã Ñandejára ra'yha ñande. Ha ta'ýra ramo, heredero avei. Tupã Ñandejára heredero ha heredero Cristo ete ndive voi, jahasa asy ramo Cristo ndive, uperire hendive ñañembotuicha haguã.

Pe oñepy'amongetáva yvypóra reko rehegua rehe ndohayhúi Tupã Ñandejárape, ha ndojaposéi ha ndaikatúi voi oiko iñe'ẽme.

Ko mundo Tupã Ñandejára rembiapokue oha'arõ asy umi Tupã Ñandejára ra'y ojekuaauka va'erãha ára.

Jaikuaa opa umi Tupã Ñandejára ojapo va'ekue ipyahẽ ha hasyha ko'ãga peve ku kuña imembýtavaicha.