Popular Bible Verses from Romanos 14

Share

Pe Tupã Ñandejára reino niko noĩri ja'úva terã ñamboy'úva rehe, teko hekopetegua, py'aguapy ha vy'a Espíritu Santo rupínte uvei. Upe upéicha ombojeroviáva Crístope, ombovy'a Tupã Ñandejárape ha yvypóra kuéra omoporã ichupe.

Aipóramo, jaikove ramo, jaikove Ñandejára peguarã, ha ñamano ramo, ñamano Ñandejára peguarã. Upéva rehe, jaikove ramo terã ñamano ramo, Ñandejára mba'e ñande.

Aipóramokena jajapo meme umi mba'e oguerúva py'aguapy ha ñañopytyvõ jakakuaa haguã ñande espíritupe.

Upéva rehe, ndajakaguaivéima vaerã ojuehe. Peñeha'ã uvei kóva rehe: ani pemoĩ pende rapicha rapépe mba'eve ikatu vaerã rehe oñepysanga terã oity ichupe pecádope.

Tupã Ñandejára Kuatiañe'ẽme he'i háicha: Añete háicha ko che aikoveha, he'i Ñandejára, opavave oñesũ vaerã che renondépe, ha omomba'eguasu vaerã Tupã Ñandejárape opavave rovake. Ha upéicha peteĩ teĩ oñe'ẽ vaerã ojehe Tupã Ñandejárape.

Pende rapicha ikangy ramo ijeroviápe, pemoguahẽ peñe'ẽ joapi'ỹ rehe hendive umi mba'e peikuaa porã'ỹva rehe.

¿Máva piko nde rekaguai haguã pe ambue rembiguái rehe? Opyta porã terã opyta vai ramo, upéva ijára ndive guarã. Ha opyta porã vaerã, Ñandejára ipu'akágui omombyta porã haguã.