Popular Bible Verses from Romanos 1

Share

Narotĩri pe evangelio, Tupã Ñandejára pu'akágui pe evangelio osalva haguã opa ogueroviávape, Israelítape raẽ ha Israelita'ỹvape avei.

Pe evangelio rupi niko jaikuaa Tupã Ñandejára ñane mbohekopotĩha jerovia rupi, ha jerovia rupi añoite, he'i háicha Tupã Ñandejára Kuatiañe'ẽ Marangatúpe: “Pe Tupã Ñandejára oguerekóva hekopotĩva ramo, ojerovia rupi oikove vaerã.”

umi mba'e Tupã Ñandejára reheguáva ojehecha'ỹva, ikatu ojehecha umi mba'e ha'e ojapo va'ekue rupi. Pe ipu'aka apyre'ỹ ha pe heko marangatuete, ojehecha porã ko yvy ojejapo ypy guive, upéva rehe ha'e kuéra ndoguerekói he'i vaerã ojehe hembiapo vaikue rehe.

Oikuaa ramo jepe Tupã Ñandejárape nomomba'eguasúi ichupe Tupã Ñandejára péicha, ha nome'ẽiri ichupe las gracias. Upéva rangue, ojepy'amongeta výro rei rehe ha icorazõ kuéra ñembotavy opyta pytũnguýpe.

ndogueroviáigui pe Tupã Ñandejára añete, ogueroviágui japu uvei ha omomba'eguasu ha ombojerovia hikuái umi mba'e Tupã Ñandejára ojapo va'ekuépe, Tupã Ñandejárape voi rangue, pe oñemomba'eguasu vaerã tapia guarã. Amén.

Jaikuaa niko Tupã Ñandejára ombouha yvága guive castigo ipohýiva opaichagua yvypóra kuéra hembiapo vai ha iñañáva ári, iñaña rupi oheja'ỹva ojekuaa pe añetegua.

Upéva rehe, Tupã Ñandejára oheja ichupe kuéra mba'epota ky'a oporomotĩ vaerã pópe; ha kuña kuéra jepe ombyekovia pe jeporu hekopeguáva pe hekopegua'ỹva rehe; ha kuimba'e kuéra upéichante avei, oheja pe kuña jeporu heko peguáva ha haku hendy ojuehe, ha ojapo mba'e oporomotĩva kuimba'e kuimba'e ndive, ha oñandu ojehe kuéra voi pe castigo hembiapo vaikue rehe. Ha ndoikuaasevéiguima Tupã Ñandejára gui, ha'e oheja ichupe kuéra ipensamiénto kuéra vaipópe, ojapo haguã pe ojapo'ỹ vaerã.

He'i ramo jepe ojehe kuéra iñaranduha, itavy eterei, ha ombyekovia hikuái pe Tupã Ñandejára omano'ỹva gloria yvypóra omano vaerã ra'anga rehe, ha guyra kuéra, ha mbói, ha tymba ipy irundýva ra'anga rehe jepe.