Popular Bible Verses from Filipenses 4

Share

Ani pejepy'apy mba'eve rehe, pemombe'upa tapia uvei Tupã Ñandejárape pene ñembo'épe, pejerure ichupe, ha peme'ẽ avei ichupe las gracias.

Ha Tupã Ñandejára pene mbopy'aguapy vaerã ha upéva tuichave opa mba'e ikatu va'erãgui yvypóra oikuaa. Ha upe py'aguapy oñangareko vaerã pene corazõ ha pene pensamiento rehe Cristo Jesús rupi.

Ipaharã, che ryvy kuéra, peñepy'amongetákena opa umi añetéva rehe, opa umi ikatúva rehe ñamomba'eguasu, opa umi hekopeguáva rehe, opa umi ipotĩva rehe, opa umi oporombohorýva ha herakuã porãva rehe. Oimeraẽva mba'e iporãva ha ikatúva rehe ñamomba'eguasu, umíva rehe peñepy'amongeta.

Ndaipóri chéve guarã ikatu'ỹva Cristo rupi, upe che mombaretéva.

Pevy'ákena Ñandejára ndive opa árape; ha ha'e jevy peẽme: ¡Pevy'ákena!

Che Tupã Ñandejára, ome'ẽmba vaerã peẽme pe peikotevẽva umi imba'eta yvága peguágui Cristo Jesús rupi.

Pejapókena pe che pombo'e va'ekue ha aheja va'ekue peẽme pejapo haguã, umi mba'e pehendu ha pehecha va'ekue ajapo; ha Tupã Ñandejára ñane mbopy'aguapýva oĩ vaerã penendive.

Opavave toikuaa pene mba'e porãha. Ñandejára hi'aguĩma.

Che poriahukuaa ha che mba'eta rerekokuaa. Aime opaicharã, che ryvatã terã che ñembyahýi haguã, arekopa haguã terã areko'ỹete haguã.

Ndaha'éi niko aikotevẽgui ha'éva peẽme, ahasakuaáva voínte pe arekomíva reheve.