Popular Bible Verses from Gálatas 6

Share

Upéva rehe, na ñane kane'õ va'erãi jajapo haguã pe iporãva ha ñande py'amano'ỹ ramo oguahẽ vaerã pe ára ñamono'õ haguã.

Upéva rehe, ikatu aja jajapo pe iporãva opavavépe, ha ñane hermano kuéra ojeroviávapema katu.

Peñopytyvõ peraha haguã oñondive pe ipohýiva peẽme ha upéicha ramo pejapopáne pehóvo pe Cristo ley.

Aníke peñembotavy pende jupe: avave ndaikatúi oñembohory Tupã Ñandejára rehe. Pe máva oñotỹva, upéva omono'õ vaerã.

Pe oñotỹva pe heko tee yvypóra reheguápe ombovy'áva, pe heko yvypóragui omono'õ vaerã ñembyai, oñotỹ ramo pe Espíritu reko reheguáva katu, pe Espíritugui omono'õ vaerã pe tekove tapia guarãva.

Che ryvy kuéra, oime ramo ojejavýva, peẽ Tupã Ñandejára Espíritu rekópe peikóva peipytyvõ vaerã oiko porã jevy haguã. Opáichavo, pejapo vaerã upéva py'aporã reheve, pema'ẽvo pende jehe voi, anítei peẽ avei peñepy'ara'ã.

Oime ramo oimo'ãva mba'eguasuha ha'e, ndaha'éi ramo mba'eve, oñembotavy ha'e voi ojupe. Peteĩ teĩ oma'ẽ vaerã ojehe oikópa hekópe, ha oñandu ramo oikoha hekópe, ndaha'e mo'ãi oñembojoja haguã ambue rehe. Upévare peteĩ teĩ ogueraha vaerã imba'epohýi.