Popular Bible Verses from Efesios 6

Share

Nañañorairõiko ñaína yvypóra kuéra ndive, umi arapy pegua ñañáme ipu'akáva ndive uvei, mburuvicha kuéra oguerekóva ipoguýpe kuéra ko mundo pytũnguýpe oĩva ndive.

Pejapo opa ko'ã mba'e oración reheve, peñembo'e ha pejerure tapia Espíritu Santo rupi. Pema'ẽke, ha ani pende py'akangy, ha peñembo'e opa umi Tupã Ñandejára rehe ojeroviáva rehe.

Pemonde pe equipo Tupã Ñandejára ome'ẽva peẽme, ikatu haguã peime hatã ani haguã pene mbotavy Aña.

Upéva rehe, pemonde pe equipo Tupã Ñandejára ome'ẽva peẽme, ikatu haguã peropu'aka ivai jave peẽme ha pejapopa rire ikatu haguã pepyta hatã.

Ha hi'ariete, pereko pejerovia pende rekove mo'ãha ramo, pemboguepa haguã pe Aña hu'y rendy eta. Pereko pe salvación pene akã reheguáicha, ha pejagarra pe Tupã Ñandejára ñe'ẽ ku espada Espíritu Santo ome'ẽva peẽmeicha.

Peime hatãkena pe añeteguápe pejeku'a jopy ramo guáicha, ha pe teko potĩme, ku equipo guerrahápe guáicha omo'ãva soldado pyti'a. Peñembosako'i peñemoñe'ẽ haguã pe evangelio py'aguapy rehegua rehe, pe soldado oñembosako'i háicha omondévo ipy rehegua.

Ha ko'ãga, che ryvy kuéra, peñemombarete peñemopeteĩ rupi Ñandejára ndive, pe ipu'aka mbaretekuépe.

Pe tembiapoukapy tenondetegua oĩva promesa reheve niko kóva: “Emomba'e nde ru ha nde sýpe, revy'a ha reikove puku haguã ko yvy ári.”

Ta'ýra kuéra, pene ñe'ẽrendu vaerã pende rúpe pejerovia rehe Jesús rehe, upéva niko hekopeteguánte.