Popular Bible Verses from SAN MARCOS 13

Share

Apyókxoho énxet sat etaknók kéxegke ko'o eñamakxa; wánxa agkok, ewagkasakpok sat eyke teyp ma'a énxet apkelenxáneykmoho nak apyennaktésamo apteme mey'áseyam ekweykmoho néxa ekhem.

“Kólleyxmakha, nágkólnakténho aksa, hakte megkólya'ásegkok kéxegke yakwánxa katnehek xa.

Nágkatneykha aksa kélwáxok ma'a yakwánxa enxoho kóltehek kélpeywa, cham'a kélnaklawa enxoho aphágkaxa kelwese'e. Kólteme sat kélpeywa m'a apmésakxa enxoho Dios yakwayam kóltehek kélpeywa, cham'a ektaha sat kéxegke xa. Háwe sat kéxegke kélagko' ekteyapma kélpeywa. Espíritu Santo sat eyke epakmétek.

Kamaskok sat néten, kamaskok sat nahan keso náxop, wánxa agkok, megkamassegwomek eyke ko'o sekpeywa.

“Méko ekya'ásegkoho ekwánxa ekhem tén han ekwánxa hora, melya'ásegkok nahan ma'a Dios apkelásenneykha apheykencha'a nak néten, mey'ásegkok nahan ma'a Dios Apketche. Wánxa apya'ásegkoho m'a Apyap.

“Kélleg'ak sat agkok kéxegke amya'a ektepa kempakhakma s'e, tén han ma'a mók apkelókxa nak, nágkólé' aksa. Cháxa yakwánxa nak katnehek xa, háwe eyke yakwánxa makham katnehek néxa ekhem ma'a.

Nágkólnakténho aksa kéxegke, hakte megkólya'ásegkok ekwánxa ekhem ewatak ma'a ektaha nak apagkok xa tegma nak, taxnakmoho katnehek ewata', axta'a éseksok esenhan, esenhan ma'a ekpáwá enxoho tat'a, axto'o esenhan; katlakkasek katnehek ewata', keñe eteyágwatak kélnaktenakxa kéxegke. Cháxa sektahakxa nak seláneya kéxegke, ektemék nahan seláneya apyókxoho énxet: ¡Nágkólnakténho aksa!”

Hakte elnapakpok sat énxet xama yókxexma, yenmexek sat ma'a apheykha nak mók apkelókxa. Kampakhaxchek sat nahan mók apkelókxa; katyapok sat nahan ekyawheykha xóp ekyókxoho yókxexma, katyapok sat nahan meyk segakhe. Wánxa agkok, cháxa eyesextexa sekxo' kéllegeykegkoho ekmáske xa.

Ekyókxoho yókxexma sat kóltennaha xa amya'a segwagkasamo nak teyp amonye ektemegwánxa néxa ekhem.

Hakte elwak sat énxet apxámokma sexneyásamákpoho ko'o. Sat etnehek apkelpeywa s'e: ‘Ko'o Mesías’, apxámok sat nahan etnehek énxet apkelyexancháseykha.

“Kólleyxmakha kéxegke; hakte kólmések sat kéxegke m'a kelwese'e nak, kóltekyawha sat nahan kañe' apchakneykekxexa nak énxet'ák judíos; kólnaklók sat nahan kéxegke aphágkaxa m'a kelwese'e nak, tén han ma'a kelwese'e apkelwányam nak, ko'o eñamakxa; keñe sat kólewának kólxének kéxegke amya'a segwagkasamo teyp nápakta'awo' xa énxet'ák nak.

Hakte elwak sat énxet'ák apkeltemesásamap nak Mesías, tén han ma'a Dios appeywa apkellegaso apkelmopwána amya'a nak; elának sat nahan aksok magkenatcheso agko' nak agweta', tén han ma'a sempelakkaso nak agweta', yakwayam enxoho elyexanchesha énxet'ák, kawomhok sat nahan apkelyexancháseykha m'a ektaha nak Dios apkelyéseykha, apkepwagkexa enxoho.

“Yeyk'ak sat agkok xa ekhem nenlegeykegkoho nak, kapeysemekxak sat ekhem, kamaskok sat nahan apkelsasáxma m'a pelten, epallenták sat yaw'a apkeleñama néten, kalyawheykha sat ekyókxoho aksok eleñama nak néten.