Popular Bible Verses from SANTIAGO 4

Share

Kólyahakxoho cha'a Dios, kólenmex cha'a kelyekhama', keñe sat kayenyók kéxegke.

Kólyepetkoho cha'a Dios, keñe sat épetkohok kéxegke m'a Dios. ¡Kólyenyes kélmék kéltaha nak kéllané megkólya'asáxma! ¡kólteme eyáxñeyo kélwáxok kéxegke kéltaha nak kélmáheyo kólásekhohok Dios, tén han kélmáheyo nak kólásekhohok ektémakxa nak keso náxop!

Kólteme megkeymáxkoho kélwáxok nápakto' Wese' egegkok Dios, keñe sat nahan etnésesek kéxegke Dios néten nepyeseksa kélnámokkok.

Empasmeyk eyke cha'a negko'o Dios yetlo segásekhayo, hakte temegkek eknaktáxésamaxche s'e: “Apkenmexchek cha'a Dios ma'a énxet'ák apkeleymákpoho nak, appasmeyk eyke cha'a Dios yetlo apkelásekhayo m'a énxet'ák megkaleymáxkoho nak apwáxók.”

Negko'o ektahakxa enxoho negya'áseykegkoho nenlané aksok ektakmela, keñe manlanye', nenlanak mólya'asáxma nentaha enxoho xa.”

Kélmaxnakkek agkok nahan cha'a aksok Dios, keñe megkólxakyek, hakte sagkek katnehek kélwáxok neyseksa kélmaxnagko, hakte kélmenyék aksa kóltawasha eñama m'a aksok kélyespagko nak.

Kéxegke kéltaha nak kélyenseyam kélyetlo Dios, ¿yagkólya'ásegkok kéxegke ektaha enmexma Dios ma'a negásekhayo nak aksok keso náxop? Negko'o ektahakxa enxoho negmáheyo agásekhohok ektémakxa nak keso náxop, nenmexma antemekxak ma'a Dios.

Megkólya'asagkek kéxegke yakwánxa katnehek kélha mók ekhem. Kéxegke kélteme kélhawo teyáméten ekteyapmol'a yakwatakxoho, ñohok nahan kamaskok.